Panairi i librit online nis maratonën e tij 20 ditore

Panairi i librit online nis maratonën e tij 20 ditore

Është lancuar në mjediset e Muzeut Historik Kombëtar panairi online i librit. Mbi 8000 tituj librash janë në dispozion nga të gjitha shtëpitë botuese për lexuesit.

Administratori i Nettrade Valer Pinderi dhe menaxheri i Bukunist Albert Gjoka ndanë me pjesëmarrësit surprizat e këtij eventi.

Librat ofrohen me ccmime të ulëta deri në 50%. Në formë online, promovimi i librave do të zhvillohet gjithashtu përmes eventeve të shumta të parashikuara.

Bukinist dhe Shoqata e Botuesve Shqiptarë kanë bërë një marrëveshje bashkëpunimi që librit t’ia bëjmë festën që i takon edhe këtë vit, duke shfrytëzuar profesionalisht të gjitha hapësirave virtuale dhe për të shkuar tek lexuesi, kudo ku ndodhet; brenda dhe jashtë vendit.

Ceremonia e përvitshme do të vazhdojë deri më 30 nëntor.

Albert Gjoka tregon se, “do të kemi një faqe të dizenjuar vetëm për këtë panair, ku lexuesit do t’i kenë të gjitha ofertat e përvitshme, si dhe eventet, autorët në fokus dhe shumë e shumë aktivitete të tjera”.

Katër ditët e para do të jenë me një agjendë të ngjeshur me aktivitetet që do të zhvillojë Shoqata e Botuesve Shqiptarë dhe botuesit në veçanti, qoftë në mjediset fizike në kryeqytet, qoftë edhe përmes platformave profesionale të transmetimit online. As këtë vit nuk do të mungojë ceremonia e dhënies së çmimeve vjetore nga Shoqata e Botuesve.

Bukinist po koordinon me të gjithë botuesit, autorët, përkthyesit dhe partnerët e tjerë zhvillimin e mbi 50 aktivitete që do të jenë online, me mundësi aksesi për këdo lexues, brenda dhe jashtë Shqipërisë.

Çdo shtëpi botuese do të ketë stendën virtuale tek Panairi Online i Bukinist; e prezantuar me të gjithë titujt e rinj, ofertat, eventet dhe autorët në fokus. Pjesa më e veçantë e çdo panairi sigurisht janë ofertat e mezipritura: Bashkë me botuesit do të ketë ulje nga 15% deri në 50% për rreth 8000 mijë tituj: – libra të rinj, botimet bestseller, e të tjera.

Çdo ditë do të ketë informacione rreth librave më të shitur. Promovimet dhe eventet do të përcillen përmes një platforme profesionale që do të transmetohet për ndjekësit në rrjetet sociale Facebook dhe Instagram, si dhe në mediat të vetë botuesve dhe shoqatës së tyre.

Kjo festë online e librit vjen pas marrëveshjes së bashkëpunimit mes Bukinist dhe Shoqatës së Botuesve Shqiptarë.

 

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale