Operatorët e telefonisë drejt kontratave më të mira me klientët


Kontratat e klientëve me operatorët e telefonisë pritët të përmirësohen. Në një nismë të Autoritetit të Komunikimeve Elektronike (AKEP) për mbrojtje të konsumatorëve, parashikohet të bëhen saktësime në kontratat me përdoruesit e shërbimeve celulare dhe operatorët e telefonisë.

Ndryshimet pritet të bëhen në Ligjin Nr.9918/2008,”Për komunikimet elektronike” ku parashikohen: mbrojtja e të drejtave të përdoruesve dhe detyrimi i operatorëvë për të qenë transparentë. Publikimi i informacionit, kontratat e pajtimtarëve, regjistrimi i pajtimtarëve, mbrojtja e të dhënave personale, cilësia e shërbimeve e faturimin janë disa prej detyrimeve të operatorëvë ndaj çdo klienti.

Lexo: AKEP jep OK për shitjen e Telekom Albania tek Albanian Telecom Invest

Sipas propozimeve paraprake  të AKEP, në kontratat e reja pritet të ketë më shumë saktësime për kohëzgjatjen, rinovimin dhe përfundimin e kontratës me klientin; rregulla për kontratat në largësi; saktësimin e të dhënave të pajtimtarëve dhe krijimin e bazës së të dhënave për Numëratorin Telefonik.

Kritere në rritje ka për cilësinë e shërbimit të aksesit në Internet; shërbimin e emergjencës, përcjelljen e informacionit të vendndodhjes së pajtimtarit. Pjesë e rishikimit do të jetë edhe ajo e detyrimeve specifike për shërbimet me parapagim, afati i paketës së aktivizuar, saktësi në faturim etj.

Ndryshimet prekin edhe procesin për krijimin e bazës së të dhënave për regjistrim “Do Not Call Me”, për thirrjet e pa kërkuara nga kompanitë e marketingut direkt.

Me këto ndryshime, Autoriteti pritet të plotësojë rregullin ligjor, sipas standardit të vendeve të Bashkimit Europian.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale