OBSH: Koronavirusi mund të mbijetojë në ajër

OBSH: Koronavirusi mund të mbijetojë në ajër


OBSH po shqyrton “masat paraprake për ajrin” për stafin mjekësor pasi gjatë një studimi rezultoi se koronavirusi mund të mbijetojë në ajër.

“Virusi transmetohet përmes pikave pak të lëngshme, kryesisht përmes teshtitjes ose kollitjes”, tha Dr. Maria Van Kerkhove, përgjegjëse për sëmundjet në zhvillim në OBSH, gjatë një konference virtuale për shtyp. “Kur institucionet mjekësore bëjnë gjenerimin e aerozolit (ilaç, që përdoret për sëmundjet në mushkëri), duhet të kenë kujdes sepse grimcat mund të qëndrojnë gjatë në ajër.”

Ajo shtoi: “Është shumë e rëndësishme që punonjësit e kujdesit shëndetësor të marrin masa paraprake shtesë kur punojnë me pacientët dhe i bëjnë ato procedura”. Zyrtarët e OBSH thonë se sëmundja e COVID-19 përhapet përmes kontaktit të njerëzve me njëri-tjetrin, pikave të bartura përmes tështitjes dhe kollitjes, si dhe mikrobeve të mbetura në objekte të pajetë. Koronavirusi mund të shkojë në ajër dhe të qëndrojë pezull, në varësi të faktorëve të tillë si nxehtësia dhe lagështia, thanë ata.

Lexoni: Ministria e Shëndetësisë: Disa mënyra sesi të përballemi me stresin në këtë kohë pandemie

Kerkhove tha që specialistët e shëndetit janë të vetëdijshëm për disa studime në një numër vendesh, që po studiojnë kushtet e ndryshme mjedisore, ku COVID-19 mund të mbijetojë. Shkencëtarët po shohin posaçërisht se si lagështia, temperatura dhe ndriçimi ultravjollcë ndikojnë në sëmundje, si dhe sa kohë jeton virusi në sipërfaqe të ndryshme, përfshirë çelikun, tha ajo.

Robert Redfield, drejtor i Qendrës Amerikane për Kontrollin dhe Parandalimin e Sëmundjeve, tha muajin e kaluar se agjencia po vlerësonte se sa kohë mund të mbijetojë COVID-19, veçanërisht në sipërfaqe. “Në bakër dhe çelik, është shumë tipike, mbijeton gati dy orë, por në sipërfaqe të tjera si kartoni ose plastika mbijeton më gjatë dhe ne jemi duke hulumtuar për këtë.”

Më herët, Drejtori i Përgjithshëm i OBSH-së, Dr. Tedros Adhanom Ghebreyesus tha se ka pasur një përshkallëzim të shpejtë të rasteve të COVID-19 gjatë javës së kaluar, duke shtuar, “ne nuk kemi parë një përshkallëzim të shpejtë urgjent në testimin, izolimin dhe gjurmimin e kontaktit, që është shtylla kurrizore e përgjigjes.”

Lexoni: A do të mbijetojnë bizneset tona nga ky virus? PO

“Ne kemi një mesazh të thjeshtë për të gjitha vendet: teste, teste, teste. Testoni çdo rast të dyshuar, nëse ata rezultojnë pozitivë, izoloni ata dhe zbuloni se me kë kanë qenë në kontakt dy ditë para se të shfaqnin simptoma dhe testoni edhe ata njerëz, “tha Tedros.

CNBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0