Nëse jeni në Shqipëri dhe doni të blini online një produkt në kontinentin amerikan, e keni të pamundur. Disa klientë që blejnë veshjet e aksesorët e tyre onlinë, bëjnë të ditur për BusinessMag.al se kjo është bërë e pamundur prej disa javësh tashmë. Përgjigjia është e thjeshtë, tregut amerikan i kanë mbaruar kuotat e shitjes online për vendin tonë, jo se ne kemi shtuar blerjet, por për shkak të uljes së kuotave nga tregu përtej oqeanit.
Në një korrepsondencë me klientë të interesuar, kompania tregtare amerikane spjegon “Për shkak të rritjes së kufizimeve të imponuara nga USPS për shkak të kufizimeve të import/eksportit në Shqipëri, ne kemi qenë të detyruar të shtojmë Shqipërinë në listën e vendeve ku nuk mund të dërgojmë. Në të ardhmen, nëse zhduken kufizimet postare në internet dhe çështjet doganore, ne mund të rivendosim transportin. Nëse kjo do të ndodhë, do të përpiqemi ta bëjmë të ditur këtë fakt ose të kontaktojmë blerësit e mëparshëm për t’u bërë të ditur se mund të blejnë me ne përsëri”.
Blerjet online nga të gjitha tregjet e huaja janë frenuar këtë vit në Shqipëri, për shkak të uljes së kufirit të taksueshëm në Gusht të vitit 2016.
Të dhënat zyrtare të Institutit të Statistikave tregojnë se në gjysmën e parë të këtij viti, u transportuan rreth 240 ton mallra me postë, me një rënie mbi 10% ndaj të njëjtës periudhë të një viti më parë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
