Nju Jorku ka rezultuar qyteti më i shtrenjtë në botë në vitin 2022, duke ndarë titullin me Singaporin, pasi rritja e çmimeve të energjisë dyfishoi normën e inflacionit në qytetet kryesore globale, sipas sondazhit vjetor të Economist Intelligence Unit.
Udhëheqësi i vitit të kaluar Tel Avivi ra në vendin e tretë . ndërsa Kryeqyteti britanik ra ndjeshëm poshtë listës këtë vit, në vendin e 27-të.
Janë katër qytete evropiane në 10-shen e parë — zvicra (vendi i gjashtë) e më pas , Parisi, Kopenhagen dhe qyteti tjetër zviceran Gjenevë që përmbyllnin pjesën tjetër.
Shkaku më i rëndësishëm i rritjes së çmimeve në Evropën Perëndimore ishte rritja e çmimeve të gazit, rezultat i luftës së vazhdueshme ruse në Ukrainë. Kostoja e një litri benzinë është rritur me 22% krahasuar me këtë periudhë të vitit të kaluar.
Çuditërisht, qytetet ruse Moska dhe Shën Petersburg panë rritje të konsiderueshme në kostot e jetesës, ndërsa kryeqyteti i Ukrainës Kiev nuk u analizua këtë vit.
Një monedhë më e fortë ishte gjithashtu një faktor që rriti qytetet në renditje.Qytetet në vendet ku monedha e tyre ra, u shfaqën në mesin e atyre që zbritën në listën e qyteteve më të kushtueshme. Tokio dhe Osaka e Japonisë ishin ndër 10 rëniet më të mëdha, duke përfunduar respektivisht në vendin e 37-të dhe të 43-të, nga vendi i 13-të dhe i 10-të në 2021-shin.
Stokholmi dhe Luksemburgu ranë edhe më shumë, duke humbur të dy nga 38 vende në vendin e 99 dhe 104. Damasku në Siri dhe Tripoli në Libi ruajtën vendet e tyre si qytetet më të lira të anketuara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
