Njihuni me blogeren 22-vjeçare, e cila paguhet 15,000 $ për një postim të vetëm në Instagram

Danielle Bernstein, blogere prapa We Wore What, kohët e fundit tha për Harper’s Bazaar se ajo mund të bëjë 15,000 $ nga një post i vetëm në Instagram.

Paratë vijnë nga markat, të cilat duan që produktet e tyre të vihen re nga 992,000 njerëzit që e ndjekin Bernstein në aplikacion.

Ashtu si shumë blogerë të tjerë të modës, Bernstein poston foto me veshjet e saj të përditshme, së bashku me informacion se si t’i blesh rrobat dhe aksesorët që ajo ka veshur.

Ajo që ndjekësit e saj nuk dinë është se shumë nga këto postime janë rezultat i negociatave me marka të modës, të cilët mund t’i kërkojnë asaj të mos përfshijë produkte nga konkurrentët e tyre në të njëjtën kohë, apo edhe ndonjë postim tjetër në Instagram atë javë.

Ata janë të gatshëm të paguajnë një çmim të lartë për këtë. Sipas Harper’s Bazaar, brand-et shpenzojnë më shumë se 1 miliardë $ çdo vit për postimet e sponsorizuara në Instagram.

Shuma e saktë që kompanitë paguajnë është e lidhur direkt me numrin e ndjekësve që një përdorues ka në Instagram. Kur Bernstein të rrisë ndjekësit e saj, ajo do të jetë në gjendje për të fituar më shumë për një post të vetëm.

Harper’s Bazaar shpjegon:

Mesatarisht, në qoftë se ju keni qindra mijëra ndjekës ju mund të bëni diku nga $ 500 në $ 5000 për postim, por në qoftë se ju keni më shumë se 6 milionë ndjekës, pagesa juaj mund të jetë $ 20,000 deri $ 100,000.

Edhe pse Bernstein nuk thote se sa fiton nëpërmjet Blogging dhe postimeve të sponsorizuara në Instagram, ajo ka pranuar se “kjo është më shumë seç mund të kisha imagjinuar ndonjëherë si një 22-vjeçare.”

Ajo shtoi, “Unë e mbështes plotësisht veten time. Unë kursej, investoj dhe jam duke u përpjekur të tregohem e zgjuar për çdo gjë dhe të mësoj më shumë me kohën.”

/burimi: BusinessInsider