Veronika Scott e filloi “Planin e Fuqizimit” si një projekt dizajni kur ishte vetëm 20 vjeç. Asaj i thuhej vazhdimisht se do të dështonte dhe se njerëzit e pastrehë ishin të padobishëm.
“Plani i Fuqizimit (the Empowerment Plan) ishte një projekt mësimor për mua kur isha në kolegj dhe tani është bërë një biznes që fokusohet te punësimi i prindërve të pastrehë që të prodhojnë këtë pallto që kthehen në një çantë gjumi, që ne shpërndajmë në të gjithë botën.”
“Plani i Fuqizimit” ka prodhuar dhe ka dhuruar mbi 15,000 pallto për të pastrehët.
“Ne i shpërndajmë ato në 40 shtete, 6 prej të cilave janë provinca të Kanadasë, Zelandë e Re, Australi, Zvicër, Suedi, Malajzi, Afrikë e Jugut, Francë, Britani, dhe në të gjithë ato vende me klimë të ndryshueshme, dhe është shumë e rëndësishme për ne që ky produkt të jetë aq i mirë sa për të shkuar atje.
Temperaturat të paktën duhet të jenë nën 0 gradë, sepse ky është një produkt i cili përdoret në kushte ekstreme.”
Detroid ka mbi 34,000 të pastrehë dhe shifra e të papunëve është 6.8%.
“Fokusi jonë kryesor është punësimi. Ne duam të gjemë një zgjidhje për sistemin dhe gjeneratën e varfërisë. Këtë e bëjmë përmes punësimit. Dhe ajo që na lejon të punësojmë këta njerëz janë pikërisht këto pallto.”
Shumë njerëz, madje dhe punëdhënësit, e shohin një të pastrehë dhe mendojnë: Ky person është dembel, i padobishëm apo droguar dhe gjëra të tjera të tmerrshme.
Kjo është fjalia që i përgjithëson të pastrehët, por nuk duhet të jetë më kështu.
Ne besojmë se mund ta ndalojmë dhe ta ndryshojmë gjeneratën e varfërisë dhe të pastrehëve dhe ta pengojmë këtë cikël.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
