Një problem i Google ka ekspozuar të dhënat personale të 500,000 përdoruesve


Google ka raportuar të Hënën se të paktën 500 000 llogari të shërbimit Google Plus janë kompromentuar për shkak të një problemi në platformë.

Gabimi në platformën e Google Plus ka ekspozuar informacione si: emri i përdoruesit, email-et, gjinia, mosha, profesioni. Edhe pse kompania tha se nuk ka prova që të dhënat të jenë aksesuar apo keqpërdorur, kjo përsëri mbetet një pikëpyetje.

Ky problem nuk la pas as Google, duke parë dhe skandalet e privatësisë së kompanive të tjera të mediave sociale në muajt e fundit. Facebook pësoi një goditje shkatërrimtare, kur u zbulua rrjedhja e informacionit për Cambridge Analytica. Twitter zbuloi një bug në platformën e tij muajin e kaluar gjithashtu.

Lexoni: Google feston një 20 vjetor të suksesshëm

Aksionet e Alphabet ranë më shumë se 2% menjëherë pas raportimit.

Wall Street Journal fillimisht njoftoi problemin dhe tha se drejtuesit më të lartë të kompanisë mbuluan incidentin nga frika e rregullatorëve qeveritarë. Kompania tha për WSJ se arsyeja pse nuk e zbuloi incidentin ishte sepse nuk mund të identifikonte saktë përdoruesit e prekur, nuk mund të gjente prova të keqpërdorimit dhe nuk mund të identifikonte veprimet që duheshin ndërmarrë nga zhvilluesit apo përdoruesit.

“Sa herë që të dhënat e përdoruesve mund të preken, ne shkojmë përtej kërkesave tona ligjore dhe zbatojmë disa kritere të përqendruara tek përdoruesit tanë për të përcaktuar nëse do të japim ndonjë njoftim apo jo, ” tha Ben Smith, zëvendëspresident për pjesën inxhinierike pranë Google, në një postim në blog ndërsa po jepte lajmin.

Kohët e fundit Google po planifikon të mbyllë shërbimin e Google Plus për konsumatorët, pasi ka vënë re se përdorimi i tij sa vjen edhe bëhet më i ulët, por përdoruesit do të mund të shkarkojnë dhe migrojnë të dhënat e tyre në një shërbim tjetër.

burimi: cnbc.com

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale