“Ai është një lider i lindur”. Mund ta keni dëgjuar shpesh këtë shprehje, që për shumë është një nga komplimentet më të bukura. Por, sipas një sondazhi të Gallup, 1 në 10 liderë, është një lider i lindur.
Këtu lind dhe pyetja:
Çfarë e bën të mirë një lider? Janë disa atribute që disa njerëz i kanë në natyrën e tyre. Por, nëse ndiheni sikur nuk i përkisni këtij grupi mund të praktikoni këto këshilla:
1. Motivo duke patur një mision dhe një vizion.
Vizioni juaj duhet t’i bëjë punonjësit të ndihen të veçantë, njësoj si të ishte ideja e tyre dhe të gjithë të punojnë me entuziasëm drejt realizimit të saj.
Komunikojeni misionin/vizionin tuaj herë pas here dhe pasi ta bëni këtë sigurohuni që çdo punonjës të kuptojë se si përshtatet puna e tij me qëllimet tuaja.
2. Puno me veten për të kapërcyer fatkeqësinë dhe rezistencën.
Karakteri i vërtetë shihet në kohë të vështira. Shpesh drejtuesit përfshihen në stuhi në vend që ta parandalojnë atë.
Të gjithë mund të kemi njohur një menaxher, i cili në kohë të vështira fajësonte punonjësit, drejtonte gishta madje merrej dhe me thashetheme kur i binte ndonjë fjalë në vesh.
Për të qenë lider, këto sjellje duhen shmangur me çdo kusht. Sjellje që duhet t’ia transmetoni dhe ekipit tuaj.
3. Nxit një kulturë për përgjegjësi.
Përgjegjësia është një nga forcat më të mëdha në tokë. Pa të, organizatat shkojnë drejt falimentimit, pasi mund të rrethohesh nga një spirale vdekjeprurëse, ku drejtohen vetëm gishta, me mentalitetin “nuk është rrethi im”, inefiçencë dhe dështim.
Si lider, ti duhet të pranosh fajin, të fokusohesh në mënyrat e përmirësimit dhe të adresosh ata që nuk punonjnë.
Përgjegjësi gjithashtu do të thotë të zotërosh dhe të festosh suksesin si një skuadër.
4. Ndërto marrëdhënie që krijojnë besim dhe transparencë.
Asgjë nuk është më transparente sesa dikush kur nuk është transparent. Shumë njerëz nuk e kanë këtë cilësi, por për të qenë një lider kjo është e domosdoshme.
Ji i pastër si uji, transparent dhe ki integritet. Fjala juaj do të ketë peshë dhe kultura në ambjentin tuaj të punës do nxisë besim dhe transparencë. Gjithçka është në dorën tuaj.
5. Merr vendime bazuar te produktiviteti dhe jo politikat.
Shumë liderë ia dalin duke bërë lojëra politike, manipulime edhe tek njerëz të pafuqishëm në korporatën e tyre. Por, loja e tyre nuk zgjat shumë.
Politikat lëruani politikanëve ndërsa ju fokusohuni te gjërat e drejta, në kohën e duhur. Kujdesuni për tre gjëra: biznesi, idetë e mëdha dhe njerëzit e tu dhe këto tre gjëra do të kujdesen për ju.
Mos u sforconi! Punoni fort për këto pesë atribute për ta bërë më të lehtë rrugën tuaj drejt të qenit lider.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
