Një erë e re për ALBtelecom, Bilgen Aldan gruaja e parë në krye të kompanisë

Emërimi i Bilgen Aldan, sipërmarrëses së spikatur turke sinjalizon zgjerim dhe modernizim për ALBtelecom

ALBtelecom ka emëruar Znj. Bilgen Aldan, një sipërmarrëse të spikatur turke, në postin e Drejtores së Përgjithshme të kompanisë. Emërimi i Znj. Aldan në këtë pozicion sinjalizon angazhimin e kompanisë për zgjerim të mëtejshëm, zhvillim dhe modernizim në industrinë e telekomunikacionit.

Znj. Aldan i bashkohet kompanisë ALBtelecom, pas një përvoje në industri të tilla si: telekomunikacion, bankë dhe media digjitale në Turqi.

Digjitalizimi është një prej dimensioneve karakterizues të karrierës së Znj. Aldan. Gjatë punës së saj, ajo ka drejtuar dhe zbatuar strategji të suksesshme, veçanërisht duke ofruar risi dhe produkte digjitale, moderne në treg.

Megjithë moshën e saj të re, Znj. Aldan ka një karrierë tepër të pasur në pozicione drejtuese, ku përfshihen ai i Drejtores Ekzekutive dhe Anëtares së Bordit në disa kompani. Ajo është një sipërmarrëse e re, shumë e njohur në Turqi dhe ka fituar disa çmime, mes të cilëve çmimet : 50 Sipërmarrëset më të suksesshme nga Fortune Turqi, për vitin 2020 (Fortune Turkey Top 50 Business Woman, 2020), Lideret Digjitale nga Kompania Fast  për vitin 2020 (Fast Company Digital Leaders, 2020)  dhe  40 Sipërmarrëset më të suksesshme nën moshën 40 për vitin 2020 (Turcomoney Top 40 Business Women Under 40, 2020).

Jam e nderuar që i bashkohem ALBtelecom, për të çuar përpara rrugëtimin e kësaj kompanie në këto kohë sfiduese për të gjithë .” – u shpreh Znj. Aldan – “Synojmë të rrisim investimet dhe të orientojmë të gjithë shërbimet tona drejt digjitalizimit të plotë, duke mundësuar që shërbimet tona të jenë një përvojë sa më e thjeshtë për çdo konsumator në vend.”  

Emërimi i Znj. Aldan është historik për ALBtelecom dhe gjithë industrinë e telekomunikacionit, duke qenë se ajo është gruaja e parë në pozicionin e drejtorit të përgjithshëm. Kompania ruan me krenari një histori frymëzuese sa i takon barazisë gjinore dhe promovimit të grave dhe vajzave. Rrjedhimisht, emërimi i fundit i Znj. Aldan, në nivelin më të lartë menaxhues konfirmon edhe një herë këtë qasje dhe vendos një standard të ri, për të gjithë biznesin në Shqipëri.

Lexo: ALBtelecom vjen me një paketë dedikuar grupmoshës së pensionistëve!

Stafi ALBtelecom është entuziast mbi këtë zhvillim të ri, duke e konsideruar atë një motivim shtesë për të vazhduar progresin e bërë në modernizimin e mëtejshëm të infrastrukturës sonë, rritjen e investimeve dhe ofrimin e shërbimeve më të mira për të gjithë shqiptarët në mbarë vendin.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale