Nike gjobitet nga BE për kufizime në shitjet e produkteve të futbollit


Nike është gjobitur nga Komisioni Europian për kufizimin e shitjes ndërkufitare të mallrave që mbanin logot e disa prej klubeve më të mira të futbollit të Europës.

Gjoba prej 12.5 milionë eurosh ka të bëjë me mallra të tillë si filxhanë, mbulesa krevati dhe materiale të tjera kancelarie, që mbajnë markën e klubit, por jo markën tregtare të Nike.

Lexoni: Reklama e re e Nike, është një letër vizuale fymëzuese për të gjitha femrat

Produktet e Manchester United dhe Barcelona ishin ndër ata që u prekën.

Komisioni gjeti firma të regjistruara të Nike të cilët prodhonin dhe shisnin produktet jashtë kufijve.

“Tifozët e futbollit i preferojnë shumë produktet e markës nga ekipet e tyre të preferuara”, tha komisioneri i konkurrencës Margrethe Vestager.

“Nike ka penguar shumë nga të licencuarit e tij që të shesin këto produkte të markës në një vend tjetër, duke çuar në zgjedhje më të pakëta dhe çmime më të larta për konsumatorët”.

Njësoj si Manchester United dhe Barcelona, komisioni tha se produktet nën logon e Juventus, Inter, A.C. Milan dhe AS Roma ishin gjithashtu të ndikuara, si dhe federatat kombëtare si Federata Franceze e Futbollit.

Lexoni: Nike, historia e një marke 55 vjeçare

Veprimet e jashtëligjshme kanë ndodhur gjatë periudhës 2004 në 2017, tha komisioni.

Nike mori një ulje prej 40% në gjobën e tij për bashkëpunim gjatë hetimit.

“Nike bashkëpunoi me komisionin përtej detyrimit ligjor për ta bërë këtë, në veçanti duke mundësuar informacione të nevojshme për komisionin që e zgjeruan horizontin e tij për çështjen,” tha komisioni.

/BBC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale