Nike, historia e një marke 55 vjeçare » Business Magazine Albania – Media Dixhitale dedikuar Sipërmarrjes
Përditësuar së fundmi: 04/01/2019

Nike, historia e një marke 55 vjeçare

Share
nga Anerola Torollari
Jan 04, 2019
Studied at Faculty of Science, Content Editor Biznesi at Business Magazine
lexo me teper >

Nike është një nga shitësit më të njohur të veshjeve dhe këpucëve sportive, por ka shumë gjëra për kompaninë që jo çdo person i di. Pavarësisht se shumica e popullsisë mbajnë të paktën një artikull të bërë nga Nike, ka shumë fakte interesante, të cilat janë relativisht të panjohura.
/Artikulli u publikua më parë në faqen 36 të numrit 19 të revistës Business Magazine Albania. Ju mund të Shfletoni Këtu nr. 19 të saj.

  • Nike u themelua më 25 Janar 1964 nga Bill Bowerman dhe Phil Knight.
  • Selia është e vendosur në qarkun e Uashington, Oregon, SHBA.
  • Shumë admirues të flaktë të markës e shqiptojnë keq emrin ‘Nike’. Saktë shqiptohet ‘ny-kee’ dhe emri i tij vjen nga perëndesha greke e fitores. Sipas mitologjisë Nike do të thotë fitore, shpejtësi dhe entuziazëm.
  • Logoja e famshme Nike, një vijë solide, është dizejnuar për vetëm 35 dollarë nga Carolyn Davidson, një studente në Universitetin Shtetëror të Portland. Më vonë, kjo logo u dha një vlerë më shumë se 640,000 dollarë produkteve të Nike.
  • Slogani “Just Do It”, i cili tashmë është i njohur në të gjithë botën, u frymëzua nga fjalët e fundit të Gary Gilmore. Vrasësi serial tha ‘Le ta bëjmë këtë (Just Do It)’ para se të ekzekutohej.
  • Nike gjithashtu zotëron Converse dhe Hurley. Megjithë blerjen e të dy markave mbi një dekadë më parë, shumë njerëz nuk e kuptojnë se markat janë të lidhura me njëra-tjetrën. Hurley aktualisht vepron si Nike Surfing dhe sponsorizon disa nga sërfistët më të mirë në botë, duke përfshirë John John Florence dhe Carissa Moore.
  • Nike shet këpucë, veshje dhe pajisje sportive në mijëra dyqane në mbarë botën. Në total, ka më shumë se 900 milionë artikuj të shitur çdo vit.
  • Nike merr këpucët e tua të vjetra dhe i kthen ato në terrene ku mund të luajnë fëmijët. Materiali i ricikluar quhet “Nike Grind”.
  • Këpucët e njohura huarache që Gigi Hadid dhe të famshëm të tjerë pëlqejnë janë dizenjuar nga Tinker Hatfield dhe frymëzuar nga sporti ski në ujë.
  • Gjatë viteve, Nike ka bërë disa reklama që kanë fituar çmime, në vitin 2000 dhe 2002, kompania fitoi çmimin Emmy.
  • Një nga risitë më të fundit të Nike është një këpucë që mund të lidhet në mënyrë elektronike me një smartphone. Këpucët përmbajnë një pajisje kompjuterike, e cila është vendosur në të dhe mund të lidhet me smartphone-in e kujtdo që mban këpucët.
  • Në të gjithë tregun e këpucëve sportive, Nike zë 62% të tij, duke e bërë atë markën më popullore për këpucët sportive.
  • Nike jo vetëm që prodhon këpucë për jetën e përditshme. Tinker Hatfield, projektuesi i këpucëve për Nike, krijoi çizmet Bat për filmin e parë të Batman. Përveç kësaj, këpucët që përdoren për të luajtur skateboard veshur nga Michael J. Fox në ‘Back to the Future: Part II’ janë dizenjuar nga Nike.
  • Dyqani më i madh Nike ndodhet në Oxford Street në Londër dhe në total është 42.000 metra katrorë.
  • Këpucët e para u bënë duke përdorur një hekur në formën waffle, e cila krijoi kanale në thembra. Këto më pas ndihmuan që këmba të shtrohej më mirë kur atletët i vishnin ato, duke i bërë shumë të rehatshme.
  • Në vitin 1978, Nike krijoi një reklamë të re për këpucët e tij Air Max dhe për herë të parë, një këngë e Beatles u përdor në një reklamë të Nike. Kënga që u zgjodh për reklamën ishte Revolucioni Nr. 9.
  • Kur kompania nisi në fillim, u quajt Blue Ribbon Sports. Në vitin 1971, emri u ndryshua në Nike. Phil Knight, një nga bashkë-themeluesit, donte të ndryshonte emrin në ‘Dimension 6’, por në fund, Nike ishte emri i preferuar nga të dy emrat e mundshëm.
  • Që nga viti 2015, ka pasur më shumë se 62,000 punonjës që punojnë për Nike në të gjithë globin.
  • Produktet Nike janë bërë në fabrika, të cilat nuk janë në pronësi të vetë kompanisë. Në vend të kësaj, kontraktorët zotërojnë fabrikat dhe Nike i paguan ata për të prodhuar mallrat.
  • Air Jordan 1 u bë i famshëm nga basketbollisti Michael Jordan, megjithëse, Jordan i urrente ngjyrat e kuqe dhe të zeza kur pa në fillim këpucët. Gjithashtu Shaquille Rashaun O’Neal, i njohur edhe si Shaq, shkoi të takohej me pronarët e Nike i veshur tërësisht me veshje Reebok. Kjo për shkak se ai nuk donte të nënshkruante asnjë kontratë me Nike.
  • Lojtari rumun i tenisit Ilie Nastase nënshkroi një kontratë me kompaninë Nike në vitin 1972. Ai ishte atleti i parë që reklamoi për Nike.
  • Në vitin 2003, dyqani i njohur i këpucëve “Foot Locker” ndërpreu bashkëpunimin me Nike, pasi besonte se çmimet ishin shumë të larta.
  • Zoom Air, një nga këpucët më të njohura të Nike, u prezantua në treg në vitin 1995, por së pari iu dha emri Tensile Air.
  • Nike mbështet shumë Universitetin e Oregonit dhe ekipet e tyre sportive, duke u siguruar atyre veshje ekskluzive dhe fonde.
  • Këpucët për Nike prodhohen kryesisht në Kinë, Indonezi dhe Vietnam, por shumë prej këpucëve janë prodhuar edhe në SHBA.
  • Nike Golf, e cila është një degë e kompanisë Nike, filloi në vitin 1984 nga Bill Wood; megjithatë, fitoi popullaritet vetëm kur Tiger Woods nënshkroi një kontratë në vitin 1996.
  • Byrzylyku shumë i popullarizuar LiveStrong është parë për herë të parë në vitin 2008; megjithatë, Phil Knight nuk ishte i bindur për këtë ide dhe madje qeshi me të gjatë një interviste me Oprah.
  • Nike kërkon që sportet të jenë për të gjithë. Motoja e tij, e krijuar nga bashkëthemeluesi Bowerman, është “Nëse keni një trup, ju jeni një atlet”.
  • Nike ofron kurse falas për stërvitje. Ju mund t’i shkarkoni kurset dhe aplikacionet e saj falas.

/Artikulli u publikua më parë në faqen 36 të numrit 19 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 19 të saj.


Evente

Panairi i Sipërmarrjeve me Impakt Social

Janar 22, 2019
ora 10:00 – 15:00