Nike do të dhurojë 30 mijë palë këpucë për punonjësit e shëndetësisë

Nike

Nike do të dhurojë 30,000 palë këpucë – të dizajnuara posaçërisht për punonjësit e kujdesit shëndetësor, që punojnë për sistemet shëndetësore dhe spitalet nëpër qytete të ndryshme në Shtetet e Bashkuara dhe Evropë.

Air Zoom Pulse, që u lançuan në nëntor 2019, janë “këpucët e para të kompanisë të dizajnuara për atletët e kujdesit shëndetësor, për heronjtë e përditshëm”, tha Nike në njoftimin e saj zyrtar.

Nike

Kompania shkoi në spitalin e fëmijëve OHSU Doernbecher në Portland, Oregon, për të studiuarnga afër punonjësit e shëndetësisë. Ata morën parasysh sfidat e atyre që ishin në punë – përfshirë orët e gjata në këmbë, djersitjet dhe rehatinë e nevojshme për turne të gjata.

Nike (NKE) në partneritet me Good360, një organizatë jo-fitimprurëse e specializuar në shpërndarjen efikase të dhurimeve të produkteve, do të ndihmojë në shpërndarjen e këpucëve tek punonjësit në Çikago, Los Anxhelos, Memfis, Neë York City dhe brenda Administratës Shëndetësore të Veteranëve, sipas Nike .

Kompania tha se punonjësit e kujdesit shëndetësor në New York City dhe Los Angeles do të marrin gjithashtu rreth 95,000 palë çorape futbolli që ofrojnë rehati.

“Përpjekja udhëhiqet nga mesazhe mirënjohjeje për profesionistët e kujdesit shëndetësor,” tha Nike në njoftimin për shtyp. “Nga një atlet në tjetrin, atletët e Nike njohin aftësinë fizike dhe mendore të ‘sportistëve’ të kujdesit shëndetësor.”

Lexoni: Michelle Obama organizon online mbrëmjen e maturës

Kryetari i Bashkisë së Nju Jorkut Bill de Blasio shkroi në Tëitter vlerësimin e tij për kompaninë e veshjeve sportive.

“Faleminderit shumë për mbështetjen e heronjve tanë të kujdesit shëndetësor,” shkroi ai.

Spitalet në të gjithë Evropën, përfshirë vende si: Barcelona, ​​Berlini, Londra, Milano, Parisi dhe Belgjika, do të marrin një shtesë prej 2.500 palë këpucësh, lajmëroi Nike.

Më shumë se 3.5 milionë raste me koronavirus dhe të paktën 251,000 vdekje, janë regjistruar në të gjithë botën, sipas universitetit Johns Hopkins.

Dhurimi i Nike vjen pasi punonjësit e kujdesit shëndetësor vazhdojnë të ndihmojnë në luftimin e pandemisë së koronavirusit, shpesh duke e vënë veten në rrezik. Shumë prej tyre po kurojnë pacientët pa pasur pajisjet e duhura.

Nike tha se disa ekipe të saj u mblodhën për të ndihmuar në krijimin dhe dhurimin e mburojave të fytyrës, lenteve të frymëmarrjes dhe pastruesve të ajrit (PAPR), për të ndihmuar në mbrojtjen e punonjësve të kujdesit shëndetësor.

Deri më tani, Nike dhe Fondacioni Nike kanë investuar më shumë se 25 milionë dollarë në përpjekjet për të ndihmuar luftën kundër COVID-19, sipas kompanisë.

CNN Business

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale