Nike aktivizon JUST DO IT - Business Magazine Albania

Nike aktivizon JUST DO IT


Formula “Just Do It” ka ndihmuar për të ndërtuar një markë shumë të njohur dhe të suksesshme. Strategjia kryesore për të ndërtuar këtë markë, ka qenë pajisja me atlete profesionale e sportistëve elitarë dhe reklamimi i tyre me video ngacmuese. Kjo fushatë marketingu ka qenë shumë frymëzuese për njerëzit. Ata e kanë ndjerë fuqinë e alëve “Just Do It.” Konsumatorët, tashmë po përqafojnë gjithmonë e më shumë një gamë të larmishme të ofertave dixhitale.

Për t’iu përgjigjur këtij trendi të kohës, Nike po përpiqet t’i pajisë klientët e saj me një aplikacion që i plotëson kërkesat e tyre më së miri. “Tani njerëzit thonë, unë do ta bëj atë që kam nisur, por puna e NIKE është të na bëjë të mos mjaftohemi vetëm duke thënë “Just Do It”, por të na ofrojë një shërbim që ndihmon që ta bëjmë diçka, ” tha Stefan Orlander. Me bizneset që po rriten shpejt siç janë Uber dhe Airbnb, konsumatorët po presin që çdo kompani të zhvillojë aplikacionet e veta.

“Pritshmëritë tona rriten çdo ditë,” deklaroi Olander. “Nëse përdor aplikacionin Nike është mirë sepse marr informacion, kur të vrapoj më shpejt dhe kur më ngadalë.” “Në fund të ditës, të qenit në pëllëmbë të dorës së shumë njerëzve dhe krijimi i një lidhjeje të drejpërdrejtë me çdo sportist në botë është mjeti më i fuqishëm i marketingut që është në treg.” Duke u përshtatur me mentalitetin e një ofruesi shërbimesh, prodhuesi i atleteve mund të sjellë “inovacion dhe frymëzim tek çdo sportist në botë,” raportoi Olander.

“Gjatë gjithë ekzistencës sonë, ne jemi përqëndruar të bëhemi kompania më e mirë dhe do të vazhdojmë ta bëjmë këtë,” shtoi ai. “Është shumë interesante kur mendojmë për veten tonë si një kompani shërbimesh – jo thjesht prodhues – për të ndihmuar njerezit të rrisin rendimentin e tyre në atë që bëjnë.”

 

/Artikulli u publikua më parë në faqen 15 të numrit 9 të revistës Business Magazine Albania. Për të shfletuar të plotë revistën klikoni këtu.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0