Nga shitja e rrobave te drejtimi i një kompanie 4.2 milionë dollarëshe

Nga shitja e rrobave te drejtimi i një kompanie 4.2 milionë dollarëshe


Angela Romero erdhi në Shtetet e Bashkuara nga Cali, i Kolumbisë, në 1997. Ajo e nisi jetën e saj në SHBA duke shitur veshje nga një sirtar shokëve të saj studentë të klasës së administrimit të biznesit. Sot, ajo drejton CentralCloseout.com, një furnizues që përfshin të gjithë llojet e inventarëve të veshjeve. Me 12 punonjës, një sipërfaqe prej 17,000 këmbë katrorë garderobë dhe një klientelë ndërkombëtare. Ajo gjithashtu u rendit në vend të 177-të këtë vit në Inc. 5000, me të ardhura 4.2 milionë dollarë në vit, rreth 2,357% më shumë nga viti 2011. Sipërmarrësja flet në këtë artikull rreth punës me punonjësit dhe sipërmarrjes së saj si femër.

Iu futa biznesit të likuidimeve dhe të shitjeve të veshjeve të lira me një likuidues, i cili nuk e kishte problem që unë nuk flisja rrjedhshëm anglisht. Ne e rritëm kompaninë në mënyrë domethënëse, por në fillimin të 2010-ës ai më pushoi nga puna. Pas disa negocimeve, ai më ofroi një nga domainet që zotëronte si kompensim. Kështu lindi CentralCloseout.com.

Në fillimet e mia, isha e ndrojtur dhe kisha frikë t’u flisja furnitorëve të mi për shkak të anglishtes sime. Dhe me vete thosha, “Oh Zot, ata nuk më marrin seriozisht.” Unë ende e përdor emailin shumë. Nuk kam nevojë të jem perfekte me aftësitë e mia gjuhësore; ajo për të cilën kam nevojë është aftësia e mirë e komunikimit dhe të marr atë që dua. Gjithashtu tentoj të fokusohem në një treg në të cilin ndihem familjar: Amerika e Jugut dhe ajo Qendrore, ku jam e aftë ta flas gjuhën rrjedhshëm dhe i njoh njerëzit pak më mirë. Sot, 95% e biznesit tim e përbëjnë eksportet.

Derisa ne nuk jemi biznesi më i shtrenjtë ose i lirë i likuidimeve, kemi qenë shumë të fokusuar në shërbimin ndaj klientit. Punonjësit e mi janë ata që përbëjnë diferencën në kompaninë time, dhe me kalimin e kohës kam mësuar t’i vlerësoj ata.

Vitin e kaluar ne u shpërngulëm në vendndodhjen e re në një ambjent garderobe shumë më të vogël dhe me më pak shpenzime. Gati sa nuk më zuri paniku kur po shihja shifrat. Ajo që mendova ishte, “Çfarë do të bëjmë tani? Ku do t’i gjej gjithë këto para?” Aty bëra një mbledhje me stafin tim dhe ishte ajo pikë që ndjeva se vërtet e mora kontrollin e situatës në duart e mia. Ua shpjegova të gjithëve shpenzimet e reja dhe që duhet ta ‘shtrëngonim rripin’ dhe të rrisnim shitjet. Që nga ai moment e në vazhdim, isha më e përfshirë me stafin tim dhe prisja më shumë nga të gjithë.

Prapëseprapë, projektimi i vetëbesimit dhe të vlerësosh është një sfidë konstante. Disa furnitorë kanë ngurruar të bashkëpunonin me mua për shkak se jam femër. Kështu kam mësuar të marr një qëndrim më të fortë me furnitorët e mi si rezultat i kësaj. Ju do të ngeleshit të surprizuar po t’ju tregoja se sa furnitorë pëlqejnë që të punojnë me mua për shkak të kësaj. Disa prej tyre janë po ata që refuzuan të punonin me mua.

Gjithashtu jam përpjekur të përdor edhe karakteristikat femërore në avantazhin tim. Për shembull, të qënit mbështetëse dhe një dëgjuese e mirë më kanë ndihmuar shumë në këtë biznes.

Kam zhvilluar marrëdhënie të mira me disa furnitorë, të cilët tani më telefonojnë thjesht për të më përshëndetur ose për të folur rreth problemeve personale që mund të kenë.

Të mbështes të tjerët më ka siguruar marrëveshje të veçanta, të cilat e di që nuk u janë ofruar konkurrentëve të mi.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0