Në OKB, reflektim për Luftën e Dytë Botërore dhe sfidën globale të koronavirusit


Këshilli i Sigurimit i Kombeve të Bashkuara, reflektoi të premten lidhur me mësimet e Luftës së Dytë Botërore, në 75 vjetorin e fundit të saj në Evropë, ndërsa bota përballet me sfidën më të madhe të përbashkët që atëherë: koronavirusin.

Lexo: Zef Preci: Një propozim për “Paketën e Tretë” të ndihmës dhe orarin e punës

“Mënyra se si reagojmë ndaj sfidës së re para nesh, pandemia COVID-19, mund të jetë po aq e rëndësishme sa rindërtimi i botës pasi u rrëzua fashizmi”, tha shefja politike e OKB-së, Rosemary DiCarlo në një takim virtual të mbi 80 vendeve, përfshirë afro 50 ministra të jashtëm, organizuar nga Estonia që këtë muaj ka kryesinë e radhës së Këshillit të Sigurimit.

Fundi i gjashtë vjetëve brutalë lufte, vdekjeve masive dhe shkatërrimit në Evropë, shënoi një pike kthese. Nga hiri i atij shkatërrimi, u krijuan Bashkimi Evropian, Kombet e Bashkuara dhe NATO-ja dhe bashkë me to një rend i ri botëror.

“COVID-19 është një provë për njerëzimin tonë por edhe për vetë systemin multilateral. Rendi ndërkombëtar – me Kombet e Bashkuara në qendër të tij – duhet të ruhet dhe të forcohet”, tha shefi i politikës së jashtme të Bashkimit Evropian, Josep Borrell.

Ai shprehu shqetësimin se pandemia ka tronditur shoqëritë dje ka ekspozuar vendet e brishta ndaj një rreziku të madh. “Ka potencialin që të thellojë konflikte ekzistuese dhe të shkaktojë tensione të reja gjeopolitike. Është një kujtesë se paqja, demokracia dhe mirëqenia, duhet të ushqehen, zgjerohen dhe bëhen më gjithëpërfshirëse”, tha ai.

Disa diplomatë paralajmëruan se 75 vjet pas Luftës së Dytë Botërore, disa nga karakteristikat e Gjermanisë naziste, po rishfaqet në skenën botërore. “Zërat e populizmit, autoritarianizmit, nacionalizmit dhe ksenofobisë, po dëgjohen më fort. Ne duhet t’u bëjmë ballë atyre që do të donin ta kthenin botën pas tek një e kaluar e dhunshme dhe e turpshme”, tha zonja DiCarlo.

Gjermania, që ishte agresorja në Luftën e Dytë Botërore dhe tani është një nga vendet udhëheqëse në skenën evropiane dhe botërore, shprehu gjithashtu shqetësim për nacionalizmin në rritje.

“Në Gjermani ne kemi një thënie: ‘Ai që mbyll sytë ndaj të kaluarës, do të jetë i verbër ndaj së tashmes”, tha ministry i jashtëm gjerman, Heiko Maas said. Ai bëri thirrje për mbështetje politike për institucionet ndërkombëtare dhe multilateralizmin dhe mbështeti thirrjen e kreut të OKB-së për një armëpushim global humanitar.

Lexo: Shkencëtarët: Testet për antitrupa nuk provojnë imunitet nga COVID-19

Më 23 mars, Sekretari i Përgjithshëm i Kombeve të Bashkuara, Antonio Guterres bëri thirrje për armëpushim, në mënyrë që të përqendrohej vëmendja dhe burimet tek lufta ndaj virusit. Dhjetra vende dhe të paktën 16 grupe të armatosura kanë rënë dakord, por deri tani Këshilli i Sigurimit me 15 vende nuk ka qenë në gjendje të miratojë një rezolutë në mbështetje të armëpushimit.

VOA

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0