Në Francë, gjobë për dyqanet që mbajnë derën hapur nëse kondicioneri është ndezur - Business Magazine Albania

Në Francë, gjobë për dyqanet që mbajnë derën hapur nëse kondicioneri është ndezur

Dyqanet në Francë do të urdhërohen të mbyllin dyert kur përdorin ajër të kondicionuar dhe të kufizojnë ndriçimin e tabelave të neonit në një përpjekje për të reduktuar humbjet e energjisë, ka thënë një ministër.

Këto rregulla, tashmë të vendosura në disa zona, do të shtrihen në të gjithë Francën, tha Ministrja e Tranzicionit Ekologjik Agnes Pannier-Runacher për gazetën Journal du Dimanche. Kostot e energjisë në Evropë janë rritur që nga pushtimi rus i Ukrainës.Dyqanet do të gjobiten deri në 750€ për shkelje të rregullit mbi ajrin e kondicionuar.

Lënia e dyerve të hapura kur ajri i kondicionuar është i ndezur është “absurde”, tha zonja Pannier-Runacher për radiostacionin lokal RMC. Ajo do të nxjerrë dy dekrete për humbjet e energjisë në ditët në vijim:

Lexo edhe: “Kërcënimi” rus, BE plan emergjence për gazin: Çdo vend anëtar të kursejë 15% të sasisë

“E para do të zgjerojë ndalimin e reklamave me ndriçim, pavarësisht nga madhësia e qytetit, midis orës 01:00 dhe 06:00”, tha ajo.

“E dyta do të ndalojë dyqanet të kenë dyert e tyre të hapura ndërsa ajri i kondicionuar dhe ngrohja janë duke punuar.”

Ndalimi i tabelave të neonit është tashmë në fuqi në zonat me një popullsi nën 800,000 banorë. Aeroportet dhe stacionet janë të përjashtuara.Shell ka paralajmëruar se racionimi i energjisë nuk mund të përjashtohet në BE, pasi rajoni përpiqet të përballet me ndërprerjen e furnizimit me gaz nga Rusia.

Franca vazhdon të përjetojë mot ekstrem të nxehtë, duke rritur kërkesën për ajër të kondicionuar./ BBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0