Komisioni Evropian u bëri thirrje vendeve anëtare të mërkurën që të reduktojnë përdorimin e tyre të gazit me 15% nga 1 gushti i këtij viti deri më 31 mars 2023, për t’u siguruar se mund të përballojnë situatën në rast të një ndërprerjeje totale të gazit nga Rusia.
“Rusia është duke na shantazhuar. kremlini po përdor energjinë si armë. Dhe për këtë arsye, në çdo rast, qoftë një ndërprerje e pjesshme apo totale e gazit rus, Evropa duhet të jetë gati” – u shpreh kryetarja e KE, Ursula von Der Leyen.
Masa është pjesë e planit të shumëpritur ‘Save Gas’ për një Dimër të Sigurt të paraqitur në Bruksel për shqetësimet se BE-ja do të luftojë jo vetëm të mbushë kapacitetet e depozitimit të gazit përpara fillimit të dimrit, por edhe të sigurojë furnizime shtesë gjatë muajve më të ftohtë. Qëllimi, tha Komisioni, është të mbrohet furnizimi për familjet dhe përdoruesit thelbësorë, si spitalet dhe industritë kryesore.
Shefja e Komisionit Ursula von der Leyen nënvizoi se megjithëse disa shtete anëtare janë më të ekspozuara ndaj gazit rus dhe për këtë arsye janë më të prekshme ndaj ndërprerjeve, të gjitha vendet anëtare “do të vuajnë” nëse blloku nuk vepron së bashku.
Lexo edhe: Vendet e Perëndimit janë në “luftë” për gazin. Çmimi rritet me 700%
Legjislacioni i propozuar do t’i japë gjithashtu Komisionit fuqinë për të shpallur një ‘alarm të përbashkët ‘ për sigurinë e furnizimit dhe për të vendosur një reduktim të detyrueshëm të kërkesës për gaz për të gjitha vendet anëtare nëse nuk arrijnë të shkurtojnë mjaftueshëm vullnetarisht. Ky alarm do të aktivizohej kur “ekziston një rrezik thelbësor i mungesës së rëndë të gazit ose një kërkesë jashtëzakonisht e lartë për gaz”, tha Komisioni në një deklaratë. Propozimi i Komisionit do të diskutohet nga ministrat e BE gjatë një samiti të jashtëzakonshëm të energjisë në 26 korrik.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
