Në Facebook tashmë mund të shisni dhe të blini

Facebook po përfshihet gjithnjë e më shumë në e-commerce me lançimin e Marketplace, shkëmbimi i ri përdorues-përdorues për blerjen dhe shitjen e mallrave me të tjerët në komunitetin tuaj. Kompania thotë se Marketplace, i cili u lançua këtë javë në SHBA, Britani, Australi dhe Zelandën e Re – është një evolucion i një sjelljeje ekzistuese në rrjetin social.

Deri në 450 milionë njerëz tashmë e përdorin Facebook-un për të blerë dhe shitur mallra që përdoren çdo muaj, kryesisht nëpërmjet grupeve, sipas menaxherit të projektit Bowen Pan. Me Marketplace, Facebook është duke i dhënë përdoruesit një proces më formal për të kryer këto shkëmbime.

Ikona për Marketplace gjatë ditëve të ardhshme do të zëvendësojë ikonën Messenger në qendër të rreshtit të poshtëm në aplikacionin Facebook për celular. Shtypja e tij do ju çojë automatikisht në një faqe kryesore të artikujve që Facebook beson se ju do të keni interes.

Kjo bazohet në faqet që ju keni pëlqyer dhe, pas disa kohësh ju mund të filloni aktiviteti tuaj të shitjes brenda Marketplace. Ju mund t’i dërgoni mesazh çdo shitësi të çdo sendi dhe të vendosni një ofertë të zgjedhjes tuaj. Për të shitur një objekt, ju thjesht ngarkoni një foto, vendosni një emër, përshkrimin dhe çmimin, dhe konfirmoni vendndodhjen tuaj.

/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.