Ndryshoni këto mendime për të kaluar nga një punonjës në një sipërmarrës

Ndryshoni këto mendime për të kaluar nga një punonjës në një sipërmarrës


Sipërmarrësi nuk është një punonjës. Nëse keni vonuar fillimin e një biznesi sepse nuk mund ta kuptoni se si ta bëni hapin nga një punonjës në një sipërmarrës, ky artikull është për ju.

  1. Mësoni të mendoni gjerësisht 

Flasim kryesisht me njerëz që kanë qenë në punë në korporata të mëdha. Kompanitë e mëdha kanë njerëz që mësojnë të  bëjnë një punë. Është shumë e vështirë të mendosh në mënyrë holistike, nëse keni punuar mjaft gjatë në një korporatë të madhe apo edhe në një institucion qeveritar. Ju jeni të trajnuar të mendoni se si të bëni një punë dhe jo se si funksionon një organizatë e tërë.

Lexo: Sipërmarrësi serial, që po kthen mangësitë në mundësi biznesi

Nëse keni punuar si hidraulik në një kompani, me siguri jeni mirë në bërjen e punëve hidraulike, por a e kuptoni rëndësinë e shërbimit ndaj klientit, faturimin, menaxhimin e burimeve njerëzore, etj? Unë shpesh rekomandoj që njerëzit të fillojnë me biznesin e tyre me një person, kështu që ata kanë kohë të mësojnë se si të mendojnë në një mënyrë të integruar, sesa me një rol të bazuar. Gjithashtu, ekziston një literaturë e mirë, ku mund të lexoni dhe t’ju ndihmojë të filloni të mendoni më gjerësisht, kur filloni biznesin tuaj.

  1. Mësoni të jeni vetëm

Kjo është një pikë tjetër e paqartë, por është një çështje thelbësore. Kur punoni në një kompani, ju punoni rreth njerëzve të tjerë. Ju jeni të lidhur me diçka më të madhe se ju. Kjo është e ngjashme me të qenurit në shkollë, ku kemi pasur pika referimi. Por, sipërmarrësi shpesh duhet të rrijë edhe vetëm, të marrë vendime vetëm, kështu që mund të përgatiteni mendërisht.

Rekomandohet që njerëzit të bashkohen me grupe sipërmarrëse ose dhoma tregtare për t’u larguar nga ndjenja e izolimit. Në mënyrë të ngjashme, angazhimi i një mentori që është sipërmarrës është gjithashtu shumë i rëndësishëm.

  1. Të dish të përqëndrohesh

Kjo duket një fjalë e madhe, por nëse gjithçka që bëni ju siguron klientë, ju po siguroni një mundësi mjaft të mirë për të qenë të suksesshëm.

Lexo: Tre strategji që përdorin gratë sipërmarrëse për të kthyer frikën në forcë

  1. Kuptoni se jeni burimi kryesor i energjisë:

Kjo është e vështirë, por është e vërtetë. Nuk do të thotë që, si një punonjës, thjesht mund të “prezantohet” në punë, por  patjetër një punonjës vjen me më pak energji sesa kërkohet nga një sipërmarrës.

Klientët dhe punonjësit tuaj ju kërkojnë energji dhe mision. E vërteta është se kjo mund të jetë impenjuese disa herë dhe madje e vështirë të kuptohet nëse nuk e keni jetuar atë.

Kjo është arsyeja pse fillimi i një biznesi, për të cilin jeni vërtetë i apasionuar, është kaq i rëndësishëm.

Burimi: Inc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0