Më shumë se 20,000 njerëz humbën jetën në të gjithë Evropën Perëndimore si pasojë e të nxehtit përvëlues të kësaj vere. Analiza zbulon kërcënimet që vijnë nga ngrohja globale e shkaktuar nga ndryshimet klimatike, thanë shkencëtarët.
Gjatë valëve të të nxehtit të verës, temperaturat tejkaluan 40gradë C në Londër, zonat në Francën jugperëndimore arritën 42C dhe Sevilja dhe Kordoba në Spanjë vendosën rekorde prej 44C.
Analiza nga grupi i shkencëtarëve World Weather Attribution zbuloi se temperatura të tilla të larta do të kishin qenë praktikisht të pamundura pa krizën klimatike. Humbjet e jetëve ishin 20% më të larta në rajonet ku ishin lëshuar alarme të kuqe të temperaturës ekstreme.
Lexo edhe: Evropa përjetoi tetorin më të ngrohtë në histori
Në Spanjë, Instituti Shëndetësor Carlos III i mbështetur nga shteti vlerëson se kishte 4,655 vdekje që i atribuohen valëve të të nxehtit.Instituti Robert Koch, agjencia shëndetësore e qeverisë gjermane, vlerëson se 4,500 njerëz vdiqën në vend gjatë muajve të verës, veçanërisht për shkak të temperaturave ekstreme.
Vera e vitit 2022 ishte më e nxehta e regjistruar, sipas shërbimit të BE-së për ndryshimet klimatike Copernicus./ The Guardian
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
