Ndalohet shitja e iPhone në Gjermani. Apple tërheq modelet e vjetra


Apple është urdhëruar të heqë disa modele të iPhone nga dyqanet e saj në Gjermani për shkak të mosmarrëveshjes me patentë me gjigantin Qualcomm.

Një vendim gjykate në Mynih më 20 dhjetor zbuloi se Apple kishte shkelur patentat për teknologjinë e kursimit të energjisë.

Të enjten Qualcomm ka paguar një bono prej 1.3 miliardë dollarësh (£ 1.2bn), duke autorizuar ndalimin  e shitjeve të modeleve të iPhone 7 dhe 8. Financimi shkon për dëmet që i janë bërë Apple nëse krijuesi i iPhone fiton ankesën e tij kundër urdhërit.

Rasti gjerman është përpjekja e tretë e Qualcomm në bllokimin e shitjes së iPhones. Krijuesi i çipeve me bazë në Kaliforni ka bërë kërkesa për shkelje të patentës kundër Apple në SHBA dhe Kinë.

Modelet iPhone XS, iPhone XS Max dhe iPhone XR do të jenë ende në dispozicion në dyqanet e Apple dhe nga shitësit e tjerë.

Qualcomm gjithashtu ka hedhur në gjyq Apple edhe në SHBA, duke e akuzuar atë për shpërndarjen e teknologjisë së saj me furnizuesit rivale.

Firmat e teknologjisë shpesh zgjedhin të luftojnë në Gjermani, krahas tregjeve kryesore si Kina dhe SHBA, sepse sistemi i gjykatës gjermane rregullon më shpejt patentat sesa në shumë vende të tjera. Gjithashtu mund të jetë më e lehtë për të marrë një urdhër që bllokon shitjet e mëtejshme në Gjermani.

Gjermania është gjithashtu tregu më i madh në Europë, me potencialin për të patur një ndikim të madh në vendet e tjera brenda BE.

/BBC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale