Larry Tesler, ikona e “cut, copy paste”, ka vdekur në moshën 74 vjeç. Z. Tesler filloi të punojë në Silicon Valley në fillim të viteve 1960, në një kohë kur kompjuterat ishin të paarritshëm për shumicën dërrmuese të njerëzve.
Ishte falë inovacioneve të tij, të cilat përfshinin “cut”, “copy” dhe “paste”, që kompjuteri personal u bë i thjeshtë për t’u mësuar dhe përdorur.
“Shpikësi i cut, copy dhe paste, find dhe replace, por dhe më shumë, ishte ish-student i Xerox Larry Tesler,” njoftoi kompania në një postim në twitter. “Dita juaj e punës është më e lehtë falë ideve të tij revolucionare.” Tesler lindi në Bronx, Nju Jork, në 1945 dhe studioi në Universitetin Stanford në Kaliforni.
Lexo: Për çfarë shërben superkompjuteri që Britanisë i kushtoi miliona dollarë
Larry Tesler: Njeriu i historisë në “Luginën e Silikonit”
Pas diplomimit, ai u specializua në hartimin e faqeve për përdoruesit domethënë, duke i bërë sistemet kompjuterike më miqësore për përdoruesit.
Ai ka punuar për një numër firmash kryesore të teknologjisë gjatë karrierës së tij. Ai filloi në Qendrën Kërkimore Xerox Palo Alto (Parc), përpara se Steve Jobs t’a punësonte atë në Apple, ku kaloi 17 vjet dhe u ngritur në karrierë si shkencëtar. Pasi u largua nga Apple, ai investoi në arsimim dhe punoi në periudha të shkurtra në Amazon dhe Yahoo.
Në vitin 2012, ai i tha BBC-së të Silicon Valley: “Fillon një proçes i ri në jetë, pasi ti ke fituar para, del në pension, ti e shpenzon kohën tënde për të financuar ndërmarrje të tjera. Pas këtij procesi, ti përjeton një emocion të madh, kur ndan me gjeneratën e re aftësitë që ti ke fituar ndër vite.”
‘Një vizion antikulturor’
Ndoshta risia më e famshme e zotit Tesler është komanda e “cut dhe paste”, e cila më parë bazohej në metodën e vjetër të redaktimit, në të cilën njerëzit do të duhet të prisnin fizikisht pjesë të tekstit dhe do t’i ngjisnin diku tjetër. Komanda u përfshi në programet e Apple në kompjuterin Lisa në 1983 dhe Macintosh origjinal që u nxorr në treg vitin e ardhshëm.
Një nga bindjet më të forta të Z. Tesler ishte se sistemet kompjuterike duhet të ndalonin përdorimin e “Modes”, të cilat në atë kohë ishin të zakonshme në hartimin e software. Modes lejojnë përdoruesit të kontrollojnë funksionet e software dhe aplikacioneve, por i bëjnë kompjuterat më të ndërlikuar dhe të marrin kohë gjatë komandave.
Lexo: Facebook do të blejë një kompani që mundëson kontrollin e kompjuterëve me mendjen tuaj
Aq i fortë ishte mendimi i tij, sa që në webfaqen e Z. Tesler quhej “nomodes.com”, emri në Twitter ishte “@nomodes”, dhe madje edhe targa e regjistrimit të makinës së tij ishte “No Modes”.
Muzeu i Historisë së Kompjuterave të Silicon Valley tha që Z. Tesler “Kombinoi trajnimin e shkencave kompjuterike me një vizion antikulturor, që kompjuterët duhet të jenë për të gjithë”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
