Objektet e largëta kozmike siç janë planetet, galaktikat dhe mjegullnajat, nganjëherë referohen nga komuniteti shkencor me emra jozyrtarë.
Ndërsa bashkësia shkencore punon për të identifikuar dhe adresuar diskriminimin sistemik dhe pabarazinë në të gjitha aspektet e fushës, ka arritur në përfundimin se disa nga këta emra mund të jenë të dëmshme.
NASA po shqyrton ndryshimin e terminologjisë jozyrtare për objektet kozmike, si pjesë e angazhimit të saj ndaj diversitetit, barazisë dhe përfshirjes. Shënjestra e parë e NASA-s është mjegullnaja planetare NGC 2392. Astronomët e njohin atë me pseudonimin ‘Eskimo Nebula’ (Mjegullnaja Eskimeze), të cilën e fitoi sepse forma e saj spektakolare i ngjan një koke me kapuç.
Lexoni: Hikvision ndihmon klientët të ndërtojnë vijën e parë të mbrojtjes
“Agjencia amerikane do e ndryshojë emërtimin e saj sepse ‘Eskimo’ është parë gjerësisht si një term kolonial me një histori raciste, të imponuar ndaj indigjenëve të rajoneve të Arktikut”, tha NASA në një deklaratë.
Një shembull tjetër i një pseudonimi të konsideruar ‘racist’ që NASA dëshiron të tjetërsojë është ai i ‘Galaktikave Binjake Siameze.’ Ai i referohet NGC 4567 dhe NGC 4568, dy galaktika të cilat ndahen me 52 milionë vite dritë dhe janë në proces përplasjeje me njëra-tjetrën.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
