Kompania Meta e Mark Zuckerberg po përballet me një çështje historike të monopolit nga Komisioni Federal i Tregtisë (FTC) në SHBA, i cili e akuzon për frenim të konkurrencës duke blerë rivalët potencialë në vend që të inovojë. Gjyqi nis të hënën dhe mund të çojë në një vendim që e detyron Metën të shesë Instagram-in dhe WhatsApp-in, dy nga platformat më të përdorura të rrjeteve sociale në botë.
FTC argumenton se Meta bleu Instagram-in në vitin 2012 dhe WhatsApp-in në 2014 me qëllim neutralizimin e konkurrencës në rritje dhe ruajtjen e dominimit në industrinë e rrjeteve sociale, megjithëse të dyja blerjet u miratuan nga rregullatorët federalë në atë kohë.
Padia e Komisionit, e paraqitur për herë të parë në vitin 2020, kritikon kompaninë mediatike të Zuckerberg për monopolizim të tregut si një mënyrë për të shmangur çdo konkurrencë në industrinë e rrjeteve sociale. “Veprimet e Facebook për të forcuar dhe ruajtur monopolin e tij i mohojnë konsumatorëve përfitimet e konkurrencës,” u shpreh Ian Conner, i cili ishte drejtor i Zyrës së Konkurrencës në FTC në kohën e paraqitjes së padisë.
Burimi: Newsweek
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
