Mireda Thana është angazhuar në botën e sipërmarrjes dhe zhvillimit personal. Mes start-upeve dhe trajnimit të burimeve njerëzore, ajo njihet si Trajnere (Life Coach) e certifikuar nga disa prej instituteve më prestigjioze në botë, ndërsa është menaxhere e një prej hoteleve buzë Adriatikut. Nëse do të keni mundësinë të shkoni në Floëer Hotel, do të ndesheni menjëherë me një staf të mirëpërgatitur, i cili krijon një përvojë unike gjatë qëndrimit tuaj, për të vazhduar më pas me kuzhinën unike dhe shërbimin cilësor të hotelerisë. Mireda ndan me Business Magazine, rrugëtimin e jetës së saj. Ajo ndan me ne dështimet dhe mësimet, si dhe mendësinë me të cilën ka arritur të jetë e suksesshme në Shqipëri. Për Miredën, i vetmi burim i besueshëm zhvillimi dhe transformimi është vetvetja, ndërsa tek puna e përditshme me të rinjtë shqiptarë sheh një forcë kreative, që sipas saj, me mbështetjen e duhu,r mund t’ia dalë që emri i Shqipërisë të dëgjohet kudo nëpër botë.
Mireda pse zgjodhët botën e biznesit për të dhënë kontributin tuaj?
Studimet e mia të para kanë qenë në degën e Ekonomiksit në Universitetin e Tiranës. Që në hapat e parë të formimit tim kam qenë e fokusuar dhe njëkohësisht shumë e përfshirë në botën e sipërmarrjes private. E konsideroj sipërmarrjen si mënyrën më direkte për të krijuar një ndryshim në jetën personale dhe gjithashtu për të krijuar një impakt në ekosistemin ku jetojmë. Përvojat e mia lidhen me biznesin dhe më kanë ndihmuar të njoh disa pika të dobëta, ku të fokusoj fillimisht zhvillimin tim profesional e më tej edhe kontributin tim si një Team Performance Coach. Ndjekja e disa programeve akademike në institucione lider në botë si: Erasmus, Harvard X, Co-Active Training Institute, Team Coaching University etc. më kanë dhënë mundësinë të kuptoj se, pavarësisht nga shteti, sfidat e biznesit janë të ngjashme dhe duke marrë njohuritë e duhura mund të përdorim në mënyrën më efektive burimet për të rritur performancën.
Artikulli u publikua në faqen 32 të numrit 30 të revistës Business Magazine Albania. Ju mund regjistroheni dhe të Shkarkoni Këtu nr. 30 të saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
