Miratohen ligjet e propozuara nga Këshilli i Ministrave. Siguron mbështetjen për 176 mijë qytetarë dhe biznese për situatën e shkaktuar nga COVID-19

Miratohen ligjet e propozuara nga Këshilli i Ministrave. Siguron mbështetjen për 176 mijë qytetarë dhe biznese për situatën e shkaktuar nga COVID-19

~3 minuta lexim


Ministrja e Financave dhe Ekonomisë Anila Denaj, me anë të një postimi në Facebook njoftoi se Parlamenti sot ka miratuar 5 ligjet e propozuara nga Këshilli i Ministrave.

Lexo: Rihapen aplikimet për ndihmën financiare të Paketës Nr.1 nga data 30 Prill deri më 5 Maj

Anila Denaj shkruan se: “Qeveria Shqiptare vijon punën për përmirësimin e kuadrit ligjor si një komponent i rëndësishëm i zhvillimit financiar dhe ekonomik të vendit në nivel afatmesëm”.

5 ligjet përfshinin:

  1. Akti Normativ për ndryshimet në buxhetin e vitit 2020:

Siguron mbështetjen për 176 mijë qytetarë dhe biznese për situatën e shkaktuar nga COVID-19.

  1. Ligji për shërbimet e pagesave:

Siguron rritje të konkurrencës, përafrim me direktivat e BE-së, reduktim të kostove të transaksioneve, mbrojtje e mëtejshme e konsumatorëve, shërbime më transparente dhe zgjerim të potencialit për zhvillimin e teknologjisë inovatore financiare #FinTech.

  1. Ligji për Shoqëritë e Investimeve Kolektive:

Hapi i parë i Qeverisë drejt krijimit të një tregu funksional të kapitaleve në Shqipëri, që siguron liberalizimin e tregut të fondeve të investimeve, përafrim me direktivat e BE-së, mundësi të reja të financimit për biznesin shqiptar dhe zgjerim të bazës së investitorëve dhe mbrojtje të tyre

  1. Ligji për pyjet

Jep zgjidhje problemeve të lidhura me pronësinë e pyjeve, dhe përcakton kriteret për mbrojtjen dhe shfrytëzimin e tyre.

Lexo: Po përpiqesh të gjesh një podcast të vlefshëm? Ju sjellim 5 podcast-e të përzgjedhura për kënaqësinë tuaj

  1. Ligji për Ratifikimin e Marrëveshjes së Huasë me Bankën Ndërkombëtare për Rindërtim dhe Zhvillim për Politikën për Zhvillim për aksesin e barabartë gjinor në mundësitë ekonomike:

Do të financojë dhe sigurojë rritjen e aksesit të grave në pasuri dhe tregun e punës dhe kuadrin e nevojshëm për një politikëbërje të informuar gjinore.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Çdo rrezik është një mundësi. Në qoftë se dështoni, mësoni nga gabimet dhe vazhdoni përsëri.”
— Richard Branson
Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0