Ministrja e Financave dhe Ekonomisë, Delina Ibrahimaj, ishte e pranishme të martën në Panairin e Punës dhe Aftësive, i cili zhvillohet në datat 25-26 prill në ambientet e Pallatit të Kongreseve, nga Agjencia Kombëtare e Punësimit dhe Aftësive.
Në këtë panair marrin pjesë 35 kompani, 15 prej të cilave janë të huaja, dhe 29 institucione arsimore dhe trajnimi.
Në total numri i vendeve të lira që ofrohen për punëkërkuesit është 1200.
Ministrja Ibrahimaj vizitoi nga afër stendat e kompanive pjesëmarrëse në panair, ku u njoh nga afër me to dhe bashkëbisedoi lidhur me ofertën e tyre të punës.
Ministrja vlerësoi organizimin e këtij eventi si një mundësi shumë e mirë për punëkërkuesit dhe për punëdhënësit, përmes së cilës ndërlidhet më së miri kërkesa me ofertën.
Lexo:Ky start-up për të brendshmet po zgjidh një problem të madh mjedisor në SHBA
Sipas Ibrahimaj, bizneset e pranishme në Panairin e Punës dhe Aftësive janë një shembull shumë i mirë se si sipërmarrja është duke u transformuar, se si kompanitë po zhvillohen dhe po gjejnë rrugët për të qenë sa më konkurruese në tregun e brendshëm dhe të jashtëm, në sektorë, si: teknologjia, industria, shërbimet etj., ku paga mesatare është rreth 110,000 lekë.
Në ditën e parë të tij, Panairi i Punës dhe Aftësive u vizitua nga 3000 persona, të cilët u njohën nga afër me vendet e lira të punës të ofruara.
Të gjithë punëkërkuesit mund të njihen me ofertën e vendeve të punës edhe përmes portalit puna.gov.al, ku aktualisht janë rreth 3,300 vende të lira.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
