Meta Connect 2024 është një event i përqendruar tek programuesit, ku CEO Mark Zuckerberg mbajti fjalimin kryesor. Ai prezantoi pajisje dhe softuer të rinj për të mbështetur dy nga ambiciet e mëdha të Meta-s: inteligjencën artificiale (AI) dhe metaversin. Prezantimet përfshinë gjithçka, nga syzet e reja Quest, përditësimet për modelin Meta Llama AI, e deri te një prototip i ri i syzeve të realitetit të shtuar (AR).
Meta zbulon Orion, “syzet më të avancuara që bota ka parë ndonjëherë”
Në një njoftim surprizë, Zuckerberg prezantoi Orion, për të cilat Meta thotë se do të bëhen syzet e para konsumatore me realitet të plotë holografik. Megjithatë, këto syze nuk do të jenë të disponueshme për konsumatorët së shpejti. Zuckerberg lavdëroi lehtësinë e përdorimit të Orion, aftësitë për ndjekjen e duarve dhe syve, dhe më ambiciozen – një ndërfaqe neurale. Ndër testuesit e hershëm të impresionuar, përmendet edhe CEO i Nvidia-s, Jensen Huang. Syzet Orion u prezantuan si e ardhmja e përpjekjeve AR të Meta-s, me detaje të mëtejshme në mbulimin tonë të fundit.
Kufjet Meta Quest 3S lançohen për $299
Meta prezantoi Meta Quest 3S, të cilat ishin sugjeruar nga disa burime informacioni përpara eventit dhe u konfirmuan gjatë Connect 2024. Meta Quest 3S vjen si një alternativë më e lirë ndaj Quest 3, duke filluar me një çmim prej $299 për versionin me 128GB dhe $399 për versionin me 256GB. Syzet tërësisht wireless janë të pajtueshme me librarinë ekzistuese të aplikacioneve dhe lojërave të Quest, megjithëse Meta theksoi veçoritë e realitetit të përzier. Me lansimin e Quest 3S, çmimi i Quest 3 do të bjerë nga $649 në $499. Syzet e reja Quest 3S do të jenë të disponueshme më 15 tetor.
“Me Quest 3S në treg, ne po mbyllim shitjet e Quest 2 dhe Pro. Do të vazhdojmë të shesim syzet që kemi deri në fund të vitit ose deri kur të përfundojnë, cilado të ndodhë më parë,” tha Meta për TechCrunch lidhur me ndalimin e shitjes së këtyre modeleve, pas prezantimit të Quest 3S.
Lexo edhe:Mira Murati jep dorëheqjen nga ChatGPT
Meta AI bëhet zanore
Meta AI po gjen zërin e saj. Përdoruesit mund të bëjnë pyetje ose të bisedojnë me Meta AI përmes Messenger, Facebook, WhatsApp dhe Instagram, duke marrë përgjigje zanore në këmbim. Asistenti zanor digjital do të dalë me disa opsione zërash për të zgjedhur, duke përfshirë zërat e personaliteteve të njohura si Dame Judi Dench, John Cena, Awkwafina, Kristen Bell dhe Keegan-Michael Key.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English