Jessica Alba dhe Sarah Michelle Gellar të dyja me karriera të suksesshme që luajnë në shfaqje televizive dhe marrin pjesë nëpër filma, por tani ato kalojnë kohën e tyre si themeluese dhe udhëheqëse të startup-eve.
Alba është drejtuese kreative e kompanisë The Honest, e cila krijon dhe shet mallra jo-toksike të tilla si pastrues lavanderie, produkte kozmetike dhe produkte për fëmijë dhe ishte vlerësuar kohët e fundit në 1.7 miliardë $.
Gellar është drejtuese e markës Foodstirs, e cila u lançua tetorin e kaluar me një linjë miks të pjekjes organike.
Çfarë kanë këto dy femra të përbashkët? Ndërsa rrisin fëmijët, të dyja hasën një problem që asnjë biznes ekzistues nuk ishte i adresuar në atë që ato krijuan. Alba kërkoi produkte që nuk përmbajnë potencialisht kimikate të dëmshme, dhe Gellar kërkoi një mënyrë të lehtë për të pjekur me fëmijët e saj duke përdorur përbërës të shëndetshëm.
“Me të vërtetë gjeta një nevojë që nuk ishte përmbushur,” tha Alba të shtunën gjatë Samitit American Made në New York City. “Isha e irrituar me qeverinë dhe burokracinë. E dija që duhet të krijoja një biznes që i përshtatej nevojave të mia.”
Për Gellar, fillimi i biznesit të saj ishte gjithashtu një mënyrë për të shpenzuar më shumë kohë me fëmijët e saj.
“Nuk doja të humbja asnjë moment,” tha ajo në Samit. “Doja të kontrolloja fatin tim.”
Të dyja historitë e këtyre grave shërbejnë si një kujtesë e rëndësishme: Para se të ndjekim një ide biznesi, duhet të sigurohemi që kjo është diçka që na intereson dhe do të ofrojë diçka unike.
“Kur mendoni për të filluar një kompani kuptoni të bëni diçka që askush tjetër nuk është duke e bërë. Kujdesuni për detajet.”
Ndërsa Alba dhe Gellar pranuan se të jesh e famshme i ka ndihmuar ato për të filluar, të dyja thanë se u përballën me sfida si femra dhe për shkak të statusit të tyre të famshëm.
“Oh, ‘Pjekja e Buffy-it’? Shkëlqyeshëm … “tha Gellar me shaka në lidhje me reagimet ndaj idesë së saj nga investitorët dhe partnerët. Por ajo tha se po e shijon sfidën.
“Ne jemi duke “tundur” një kategori 5 miliardë $ që nuk është prekur,” tha ajo për tregun e biznesit të saj. “Është një rrugë e vështirë, por është diçka që të kënaq”.
burimi: Entrepreneur
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
