Mes Universitetit dhe Zanatit?! - Business Magazine Albania

Mes Universitetit dhe Zanatit?!

Zanatit

*Shkruar nga Armira Plaku, kontributore

Të gjithë po shkollohemi, por zanatet kush do i bëjë?

Pasiguria ekonomike dhe e së ardhmes po çon çdo të ri drejt dyerve të universiteteve, në mënyrë që ata të kenë një diplomë dhe më pas të punësohen në një punë të mirë, për të pasur të ardhura më të  mira. Deri këtu jemi në rregull.

Një pjesë e mirë e maturanteve kërkojnë të vazhdojnë universitetet për të marrë një profesion dhe mbi të gjitha statusin “i shkolluar”, pavarësisht nëse e duan atë degë që zgjedhin apo jo.

Duke u dyndur të gjithë drejt kësaj rruge po lihen mënjanë formimet profesionale, zanate të ndryshme, kjo për shkak të mungesës së vlerësimit dhe të ardhurave të ulëta që ato sjellin.

Na ndodh në jetën e përditshme, në ambjentet ku jetojmë të kemi nevojë për një elektriçist, hidraulik, një biçiklist, një orëndreqës, një këpucar, një përpunues druri, etj. dhe pyetja që i bëjmë vetes është, a kam ndonjë rrotull?

Patjetër që ka, janë zanatlinjtë e vjetër dhe mjaft të dobishëm. Shumica prej tyre, janë nga ata individë që i kanë ndenjur besnikë zanatit të tyre, duke i kushtuar jetën. Përveçse si një mënyrë jetese, kanë vendosur aty edhe pasionin.

Por duke qenë se me vitet ato nuk do munden më ta ushtrojnë, lind pyetja, a po përgatisin një brez të ri me këto zanate? A ka të rinj që interesohen për t’i mësuar?

Padyshim që ka shumë të rinj, të cilët janë të prirur për të mësuar, ama duke parë se sa pak paguhen, të  gjithë vendosin të zgjedhin universitetin ose emigrimin, këtë të fundit si një mënyrë për të ushtruar zanatin përkatës.

Kohët e fundit, numri i njerëzve në moshë të re që emigrojnë është rritur shumë dhe disa vende të BE po kërkojnë punonjës të rinj në zanate të ndryshme.

Lexoni: Opinion – Sistemi i punësimit është në një krizë integriteti

Të rinjtë, në përgjithësi meshkujt, po emigrojnë për të ushtruar zanatin e hidraulikut,  elektriçistit etj, në këto vende, kjo sepse kanë të ardhura më të larta dhe profesionit të tyre u jepet vlerë.

E gjithë kjo situatë po sjell një efekt negativ në vendin tonë, si fillim për krahun e punës dhe si rredhojë mungesë të atyre që ne i quajmë, zanatlinjë. Fshatrat dhe zonat rurale po braktisen dhe zejtaria, blegtoria nuk po trashëgohet, aq më tepër në një vend bujqësor siç është Shqipëria.

Pas pak vitesh do të kemi nevojë për këpucar, orëndreqës, një zejtar, një kopshtar etj, dhe mos ta gjejmë?

Është shumë e rëndësishme që të krijohen programe mbështetëse për shumë të rinj që duan të marrin një zanat dhe ta ushtrojnë në vendin e tyre. Disa mendojnë punët artizanale, disa duan të risjellin traditën e familjeve të tyre, etj. Janë zanate në dukje jo të rëndësishme, por po t’u jepet vlerësimi që i duhet do krijohej një treg i mirëfilltë pune për të mos i lënë në harresë dhe të mos kemi kemi mangësi mes brezave të ardhshëm. Çdo mjeshtëri duhet të përcillet tek brezat e rinj, në këtë mënyrë përcillet një pjesë e traditës, përcillet dëshira për të qenë të dobishëm, dhe mbi të gjtiha një vlerësim dhe koncept ndryshe të fjalës punë.

Nuk është e nevojshme që të gjithë të marrin një diplomë për t’u punësuar.Duke i dhënë jetë profesioneve të tjera, do balancojë kërkesën për punësim në sektorë të ndryshëm të vendit tonë. Çdo zanat ka rëndësinë e tij, qoftë në ekonomi qoftë në kulturën e një vendi dhe si i tillë duhet të vlerësohet dhe zhvillohet.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0