Shumë njerëz duan të organizojnë jetën e tyre në mënyrë sa më efikase, ndaj investojnë në plane, kalendarë dhe aplikacione produktiviteti për të vëzhguar me vëmendje, jo vetëm detyrimet e tyre, por edhe kohën e lirë. Por, ekspertët thonë se menaxhimi i kohës nuk është zgjidhja, madje është pjesë e problemit.
Gjithnjë e më shumë njerëz po u drejtohen aplikacioneve për të menaxhuar jetën e tyre të përditshme. I ashtuquajturi sektori i softuerëve të produktivitetit po lulëzon në një masë të tillë, që pritet të jetë 103 miliardë dollarë deri në vitin 2027.
Me një ritëm të tillë të jetës moderne, është logjike që ne të ndalemi në menaxhimin e kohës, duke përdorur më shumë aplikacionet, planifikuesit dhe kalendarët. Por, sa të dobishme janë këto gjëra?
“Kërkimet tregojnë se menaxhimi i kohës nuk çon në performancë më të mirë, por se mund të reduktojë kryesisht stresin,” i tha De Morgen Wendelien van Eerde, lektor i lartë në Shkollën e Biznesit të Amsterdamit. “Ka të bëjë gjithçka me ndjenjat e kontrollit. Duke përdorur një planifikues, ju keni një pasqyrë të mirë të asaj që duhet bërë dhe mund të kontrolloni më mirë kohën tuaj. Në teori, kjo do t’ju lejojë të punoni në mënyrë më efikase”.
Lexo: NASA, kapsula Orinon përfundoi me sukses misionin
Por, vetëm në teori. Sepse për momentin, nuk ka asnjë provë të fortë shkencore që të jetë kështu. Krejt e kundërta, në fakt. “Menaxhimi i kohës nuk është zgjidhja, ai është në fakt pjesë e problemit,” thotë psikologu britanik i biznesit dhe guru i menaxhimit Tony Crabbe në librin e tij “Busy: How to Thrive in a Too Much” (2015). “Kjo nuk na bën më të lumtur, më efikas, apo edhe më të qetë.” Obsesioni ynë me menaxhimin e kohës gjithashtu nuk siguron që ne mund t’i kryejmë detyrat tona më mirë. “Efikasiteti bazohet në dy aftësi thelbësore: prioriteti dhe vetë performanca,” tha Crabbe. “Kur kemi një ndjenjë të fortë të kohës, vëmendja jonë ngushtohet dhe aftësia për të bërë zgjedhje të mira zvogëlohet. Ne marrim vendime bazuar në kërkesën e menjëhershme dhe jo në bazë të mirës të së ardhmes. Dhe kështu ne i japim përparësi urgjencave, në vend që t’i japim strategjisë”.
Puna është se menaxhimi i kohës na lejon të bëjmë më shumë gjëra në një kornizë kohore të caktuar edhe nëse nuk i bëjmë ato gjëra më mirë. Në jetën reale, optimizimi i kohës nuk na jep më shumë kohë, por na tregon sa shumë gjëra duhen bërë asaj kohe, duke na mbingarkuar vazhdimisht e vazhdimisht.Axhendat janë të vlefshme, por ata nuk japin kohë shtesë. Dhe momentet që rezultojnë më të çmuarat dhe më të paharrueshmet, nuk mund të kufizohen në kolonat e një axhende.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
