Kur Dwayne Johnson, i njohur ndryshe si “The Rock” takohet me drejtorët dhe producentët e Hollywood, ai thotë, “Reputacioni im më paraprin mua”.
Ai nuk i referohet reputacionit të tij si një yll multi-miliona dollarësh. E ka fjalën për faktin se ai njihet kryesisht për promovimin e projekteve, ku është i përfshirë. Ai i marketon ato, duke marrë dhe vlerësimin e fansave në çdo mënyrë të mundshme.
Vazhdimisht.
Kjo është dhe një këshillë nga ana e tij për të qenë të suksesshëm.
“Unë kam patur një jetë të paqëndrushme dhe kurrë s’kam patur dikë që të më këshillojë,” ka thënë ai në një intevistë. “Ajo që kam mësuar gjatë këtyre viteve më ka shtyrë përtej limiteve.”
Dwayne Johnson me sukses filloi një karrierë si mundës në WWF, një karrierë si aktor mega-yll në Hollywood, një rrugë kjo aspak e lehtë për t’u arritur.
Rezultati ka qenë mahnitës.
Filma e tij janë shumë të njohur e të pëlqyer si San Andreas, Baywatch, Rampage, Jumanji: Welcome to the Jungle, Central Intelligence, dhe së fundi seritë e The Fast & The Furious.
Pra, me 55 milionë fansa në të gjithë botën, kujt ia dedikon suksesin The Rock?
Nuk është fati, duhet thjesht të kesh lidhjet e duhura, por dhe pasion.
“Suksesi nuk ka të bëjë gjithmonë me madhështinë,” thotë ai. “Ka të bëjë me këmbënguljen. Puna e vazhdueshme të çon drejt suksesit.”
Puna e vazhdueshme.
Puna e vazhdueshme për të ka kultivuar lidhjen e tij me audiencën. Ai është vazhdimisht në kontakt me ta, duke qëndruar i lidhur përmes postimeve të ndryshme nga puna dhe jeta e tij.
Ai ka 131 milionë ndjekës për një arsye.
“Kam mësuar se marrëdhënia më e rëndësishme që mund të kem në biznesin tim është marrëdhënia me publikun”, thotë Johnson. “Kushtojini rëndësi audiencës për të cilën po punoni”.
Kjo e bën atë një njeri dhe aktor akoma më të mrekullueshëm përtej roleve që luan. Ndoshta kjo është dhe arsyeja pse përzgjidhet gjithmonë në role, për të cilat bën një marketing fantastik.
Me fjalë të tjera, puna e tij e vazhdueshme për t’u lidhur me audiencën, ka krijuar një cikël virtuoz që e shpërblen në fund me dividentë.
Nëse i kushtoni vëmendje audiencës, biznesi juaj do të lulëzojë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
