Mbi 6500 persona kanë blerë një kështjellë Franceze të shekullit të 13

Mbi 6500 persona kanë blerë një kështjellë Franceze të shekullit të 13


Media sociale mund të jetë plot me budallëqe dhe lajmë false. Por historia në vijim tregon se çfarë mund të arrihet nëse njerëzit bashkohen për qëllime të mira.

Mijëra njerëz bashkuan paratë për të shpëtuar këtë kështjellë Franceze të quajtur Mothe-Chandeniers të ndodhur në Trois-Moutiere.

Me një kontribut të paktën prej €51, 6500 persona mundën të mbledhin më shumë se €500.000 dhe të “blejnë” këtë bukuri të shekullit të 13.

Platforma franceze e mbledhjes së parave Dartagnans, e cila është e fokusuar në restaurimin e trashëgimisë kulturore organizoi një fushatë së bashku me organizatën kulturore “Adopt a Castle”.

Ajo lejon çdo person që të bëhet aksioner si Société par Action Simplifiée (SAS). Si rrjedhim bashkë-pronar i mbetjeve të kështjellës, tashmë në restaurim.

Kjo kështjellë Franceze e shekullit të 13 është pushtuar 2 here nga Anglezët gjatë Mesjetës. Ajo është plaçkitur dhe abandonuar gjatë Revolucionit Francez. Në vitin 1809, një biznesmen i pasur Parisien i quajtur Francois Hennecart e bleu kështjellën. Ai e restauroi atë dhe gjithashtu i shtoi disa vreshta asaj.

Një baron i Napoleonit të 3 e rindërtoi atë në vitin 1870 në një stil romantik të inspiruar nga kështjellat në Loire. Në vitin 1932, një zjarr masiv shpërtheu pasi Baron Lejeune Edgar instaloi sistemin e ngrohjes. Zjarri ishte aq katastrofik, sa Le Figaro raportoi se “një libarari e tërë me libra të rrallë, mobilje antike dhe piktura të vlefshme” ishin shkrumbuar. Një shoqatë me emrin “Friends of Mother-Chandeniers”, u krijua në vitin 2016 që ta shpëtojë atë.

Është e paqartë se çfarë do të jetë kështjella pas restaurimit. Gjithçka varet nga pronarët e saj.

“Ne besojmë në fuqinë e kolektivit. Ne besojmë se ju, pronarët e saj, kolektivisht dhe në mënyrë demokratike do të vendosni për të ardhmen e kështjellës”. – thuhet në website.

Por projekti nuk mbaron këtu. Objektivi kryesor është mbledhja e €1.000.000 në total për të përballuar edhe shpenzimet e restaurimit.

Delaume shprehet se kjo formë “nuk është parë kurrë në historinë e Trashëgimisë Botërore.”

Bashkë-pronarët po ndjekin ndërkohë punimet dhe do t’a vizitojnë atë në pranverën e vitit 2018.

Burimi: Mashable

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0