Mbi 20 sipërmarrje nga Ballkani, prezantohen e zhvillojnë takime B2B në Tiranë - Business Magazine Albania

Mbi 20 sipërmarrje nga Ballkani, prezantohen e zhvillojnë takime B2B në Tiranë


Dhjetëra biznese shqiptare dhe të huaja kanë pasur mundësinë të prezantohen dhe të zhvillojnë takime dypalëshe në Tiranë, gjatë konferencës dhe takimeve B2B të zhvilluara në Hotel Tirana nga Qendra për Promovimin e Konkurrueshmërisë.

Alida Kondi, Drejtuese e kësaj qendre, tha se, kompani të sektorëve të ndryshëm, agropërpunim, teknologji, bujqësi, hoteleri e turizëm, nga 5 vende të Ballkanit Perëndimor kanë shprehur interes për bashkëpunim.

Ky është takimi i dytë i bizneseve në formën B2B, sipas Kondit, ndërsa tashmë janë mbi 1000 profile biznesi online në platformën www.bmbpages.biz. Mbi 280 prej kompanive dhe shoqatave të biznesit janë shqiptare.

Fuqizimi i kompanive rajonale dhe rritja e mundësisë për tregti, po zbatohet nga Projekti BalkanMed E-Business Pages, si pjesë e një Konsorciumi, të përbërë nga 4 organizata të tjera në Bullgari, Greqi, Qipro dhe Maqedoni e Veriut.

Objektiv është rritja e konkurrueshmërisë së kompanive, veçanërisht atyre eksportuese në rajonin e Ballkanit dhe Qipros përmes zhvillimit të kushteve për zgjerimin e bashkëpunimit ndër-rajonal. Krahas rritjes së tregtisë, objektiv i këtij bashkëpunimi është formimi i klasterave dhe transferimi i teknologjisë mes bizneseve të këtyre vendeve.

Në platformë, informacioni për secilën kompani jepet i plotë për produktet, shërbimet të klasifikuara sipas kodit NACE, si dhe për interesat e kompanive për bashkëpunim.

Platforma është e hapur, që kompanitë të regjistrohen, por edhe të vizitohen nga partnerët e interesuar për të parë produktet, shërbimet, por edhe interesat e shprehura të kompanive për bashkëpunim, eksportet apo dhe investimet midis vendeve respektive.

Sot, Shqipëria realizon rreth 8% të volumit të eksporteve në vendet si Greqi, Bullgari dhe Maqedoni e Veriut dhe 11% të totalit të importeve.

Projekti që po zbatohet është në kuadër të Programit të Bashkëpunimit Transnacional, INTERREG VB, si pjesë e Programit Balkan-Mediteran 2014-2020.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0