Mbetjet plastike, rreziku që po përhapet nga toka në stomakun e krijesave ujore


Janarin e kaluar, 29 balena u gjetën të bllokuara në brigjet rreth Detit të Veriut, e cila është një zonë shumë e cekët për kafshët e egra detare. Megjithatë, detajet e nekropsisë së tyre u publikuan së fundmi dhe ajo që u zbulua i shqetësoi shumë shkencëtarët.

Lexoni: I riu Bledar Zhejani sjell në Shqipëri një sistem bujqësor pa përdorur tokën

Një njoftim për shtyp nga Parku Kombëtar i Detit të Waddens në Schleswig-Holstein njoftoi se stomakët e shumë prej balenave ishin të mbushura me mbeturina plastike, duke përfshirë copa mbeturinash plastike, një rrjetë peshkimi prej 13 metrash dhe një copë prej 70 cm nga një makinë.

Ndërsa disa besojnë se balenat i konsumonin duke menduar se ishin ushqim, si për shembull kallamarë, të tjerë pohojnë se kjo është shkaktuar kryesisht nga shpërfillja tronditëse e njerëzimit për jetën detare, e cila ka çuar në sasi të mëdha plastike në oqeane.

Robert Habeck, ministër i mjedisit për shtetin e Schleswig-Holstein, tha:

“Këto zbulime na tregojnë rezultatet e shoqërisë sonë të orientuar drejt plastikës. Kafshët pa dashje konsumojnë mbeturina plastike, gjë që i shkakton ato të vuajnë dhe në rastin më të keq, shkakton që ato të ngordhin urie me stomakun plot.”

Lexoni: Bishtat e cigareve, një rrezik që vjen në tavolinat tona

Nicola Hodgkins nga Whale and Dolphin Conservation shtoi:

“Megjithëse pjesët e mëdha shkaktojnë probleme të dukshme dhe bllokojnë zorrën, ne nuk duhet të heqim dorë nga copat më të vogla që mund të shkaktojnë një problem më kronik për të gjitha llojet e gjallesave të detit.”

Megjithatë, ky rast nuk është për fat të keq i pari, ashtu si në vitin 2011, një balenë e re u gjet teksa lundronte e vdekur në ishullin grek të Mykonos. Kur e panë stomakun e saj të fryrë, biologët menduan se kishte gëlltitur një kallamar gjigant, por ajo që gjetën ishin 100 qese plastike dhe copa të tjera mbeturinash.

Megjithatë, sipas National Geographic, balenat në këtë rast kanë ngordhur nga atak në zemër ndërsa po notonin gabimisht në Detin e Veriut, duke kërkuar për kallamar dhe duke qenë në ujëra të cekëta nuk mund të mbështetnin peshën e trupit të tyre dhe në këtë mënyrë organet e brendshme nuk arritën dot ta përballonin këtë gjë.

Lexoni: BE planifikon ndalimin e produkteve plastike

Por, zbulimi i ndotjes në stomak është i tmerrshëm dhe i trishtë. Njerëzit vazhdojnë të hedhin plastikë në tokë dhe 80% e tyre përfundojnë në oqeane dhe shpesh konsumohen nga jeta e egër.

Pavarësisht nga ndotja e oqeanit, balenat përballen me kërcënime të shumta njerëzore si dhe nga rrjetat e peshkimit.

burimi: healthyfoodhouse

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale