Matt Desmier vjen si folës në AllWeb Albania 2019 për të sjellë një qasje të re të marketingut


Dëshironi të zbuloni disa njohuri të reja? Po mendoni të zhvilloni produkte dhe shërbime të reja? Doni të përqëndroheni në një qasje të udhëhequr nga përmbajtja dhe dëshironi të dini nga t’ja filloni … Atëherë Matt Desmier është njeriu që duhet të takoni, të cilin do ta gjeni në datën 17 Tetor në konferencën e marketingut dixhital, AllWeb në Tiranë.

Lexoni: Pse duhet të merrni pjesë në konferencën e marketingut dixhital, AllWeb Albania me 17 Tetor?

Duke qenë fillimisht i trajnuar si dizajner, Matt ka një qasje ndryshe të të menduarit, duke i ndihmuar bizneset që të kuptojnë pozicionimin dhe mesazhet e tyre dhe si mund ta motivojnë audiencën.

Nëpërmjet agjencisë së tij “Wise Old Uncle”, Desmier dhe ekipi i tij kanë punuar me disa organizata të mëdha, duke përfshirë këtu platformën më të madhe të crowdfunding në Mbretërinë e Bashkuar, kompaninë më të madhe të sigurimeve në Mbretërinë e Bashkuar dhe një kompani tjetër globale, duke i ndihmuar në hartimin e planit për teknologjinë, rritjen e audiencës së tyre dhe zhvillimin e produkteve dhe shërbimeve të përshtatshme për shekullin 21.

Rreth Matt:

  • Themelues i Silicon Beach, një nga konferencat kryesore të Britanisë së Madhe;
  • Bashkë-themelues i Open Sauce, një seri eventesh dhe revistash për biznese ambicioze, të guximshme dhe kurioze
  • Ka drejtuar një inkubator të suksesshëm, duke lançuar 75 biznese për rreth 5 vjet me një normë mbijetese 95%;
  • Në 2018 ishte në listën Top 50 Advocates for Equality në DIMA
  • Në 2016 ishte në listën “Maserati 100” të sipërmarrësve socialë nga Centre for Entrepreneurs
  • Në 2015 u emërua në Top 10 Digital Champion nga Shoqata Britanike Interactive Media
  • Në 2015 emërua si Lideri dixhital i Vitit nga Digital Leaders’ SME
  • Folës i rregullt në temat e markës, inovacionit dhe të ardhmen, duke folur në SHBA, Greqi, Australi, Mal të Zi, Maqedoni, Kuala Lumpur dhe në të gjithë Mbretërinë e Bashkuar;

Fushat e tij të ekspertizës janë marketingu, inovacioni dhe kreativiteti. Aftësitë e tij të veçanta janë qartësia, empatia dhe komunikimi.

Përpos të gjithave Matt është një marketer që e sheh botën pak më ndryshe.

Si themelues i konferencës Silicon Beach në Bournemouth në Mbretërinë e Bashkuar, Matt ka pasur një ndikim të madh në vendosjen e reputacionit të qytetit bregdetar, si një qendër transformuese për të gjitha gjërat dixhitale dhe krijuese.

Silicon Beach është një konferencë dy-ditore që përfshin disa nga folësit më me ndikim në botë që kontribuojnë në një ngjarje themelore pa axhendë të publikuar. Është ky origjinalitet që ka ndihmuar eventin të tërheqë një audiencë globale.

Lexoni: AllWeb 2019 prezanton tre folësit e parë të konfirmuar për konferencën e Tetorit në Tiranë

Gjithashtu ai vitin e kaluar ka qenë folës në konferencën Spark.Me në Malin e Zi. Mund ta shikoni prezantimin e tij të plotë më poshtë:

Për sponsorizime, bileta apo informacione më të detajuara kontaktoni me:

Gerti Boshnjaku, në +355 67 20 11 531 ose [email protected]

Si edhe me Darko Buldioski, në 070/ 30 70 40 ose në [email protected]

ose mund të blini biletën tuaj në https://allweb.al/tickets/

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale