Marka e re shqiptare e veshjeve që po menaxhohet nga 18 vjeçari

Marka e re shqiptare e veshjeve që po menaxhohet nga 18 vjeçari


Hudi Shehu, është një 18 vjeçar nga Memaliaj. Prej 5 muajsh ai është përfshirë në projektin e familjes për të tregtuar veshje e aksesorë me një markë të tyren. Bluza, pantallona, atlete, kapele dhe çdo gjë rreth modës, do të jenë nën emrin “Gerid”. Produktet stampohen në Londër dhe në bashkëpunim me kushëririn e tij atje, po organizohet mundësia e tregtimit njëkohësisht në Shqipëri dhe Britani. Kjo mund të jetë hera e parë kur një produkt shqiptar lind dhe ka shanse të zhvillohet ndërkombëtarisht, pa u fokusuar në një treg lokal.

Hudi thotë në një intervistë për Businessmag se, “veshjet me dizajn të personalizuar, do të kenë ekskluzivitetin të shiten si fillim në Shqipëri në butikun që do të hapet, dhe në një dyqan të vogël në Nottingham, Angli. Dyqanet do të gjenden me emrin “Gerid Boutique”.

I pyetur se çfarë do të dallojë sipërmarrjen e familjes së tij, nga dyqane të shumta të veshjeve në Shqipëri, Hudi thotë se, “të gjitha këto produkte janë të mbrojtura, pasi janë krijimi ynë dhe nuk mund t’i tregtojë dikush tjetër”. Hudi pranon se ka dyqane plot, por në këtë rast, dyqani merr pamje tjetër si një “label” dhe një fashion group . “Ajo që na diferencon është, që ne kemi një dizajn tonin të veçantë dhe nuk tregtojmë produkte si imitime markash të njohura”.

Ai është optimist për shitjet, pasi testimet deri më tani, tregojnë se klientët kanë mbetur të kënaqur, si nga materiali i çdo produkti dhe stampimi. “Gerid” ka 3 designer profesionalë.

Për të siguruar veshjet me markë shqiptare, Gerid Grup ka lidhur kontratë me disa firma të mëdha të bluzave, të cilat sigurojnë materialin e parë dhe më pas krijohet produkti. Dy dyqanet e para, në Memaliaj dhe në Nottingham do të hapen në prill, ndërsa më vonë pritet të hapet edhe dyqani i tretë në Tiranë.

Një biznes familjar që ndahet mes Britanisë dhe Shqipërisë, më saktë mes Londrës dhe Memaliajt në Tepelenë.

Në planet e kësaj kompanie është stampimi i veshjeve në Shqipëri. Vetëm me këtë hap, kompania e re do të kalojë nga 8 të punësuar në 20 punonjës.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0