Mark Cuban dhe Steve Jobs bien dakord: Gjithçka që dini rreth gjetjes së pasionit tuaj është e gabuar - Business Magazine Albania

Mark Cuban dhe Steve Jobs bien dakord: Gjithçka që dini rreth gjetjes së pasionit tuaj është e gabuar

Pasioni mund të shkaktojë përpjekje. Por, përpjekja gjithashtu mund të ndezë pasion, veçanërisht te sipërmarrësit. Me sa duket Steve Jobs besonte në gjetjen e pasionit. Siç kishte thënë Jobs një herë: “Ju duhet të gjeni atë që doni. Mënyra e vetme për të bërë punë të shkëlqyer është ta doni atë që bëni. Nëse nuk e keni gjetur akoma, vazhdoni të kërkoni.”

Mark Cuban nuk është dakord. Cuban tha: “Një nga gënjeshtrat e mëdha të jetës është ‘ndiqni pasionet tuaja’. ‘Ndiqni pasionin tuaj’ është lehtësisht këshilla më e keqe që mund të jepni ose merrni. “

Kush ka të drejtë? Siç do ta shihni, të dy, veçanërisht kur bëhet fjalë për fillimin dhe ndërtimin e një biznesi.

Për Jobs, pasioni duket se është i pari:

-”Duhet të keni shumë pasion për atë që bëni dhe arsyeja është që bëhet kaq e vështirë saqë nëse nuk e bëni, çdo njeri i arsyeshëm do të hiqte dorë. Ju duhet ta bëni (të ndërtoni një kompani) për një periudhë të qëndrueshme kohore. Nëse nuk e doni vërtet, do të hiqni dorë.”

Lexo: Keni menduar ndonjëherë se si duket një udhëtim me helikopter rreth Marsit? Falë NASA-s së shpejti mund ta zbuloni

Për Cuban, pasioni vjen më vonë:

-”Shumë njerëz flasin për pasionin, por në të vërtetë nuk është ajo në të cilën duhet të përqendroheni. Kur shikoni se ku vendosni kohën tuaj, ku bëni përpjekjen tuaj, kjo tenton të jetë gjëja për të cilat jeni i mirë. Dhe nëse i kushtoni mjaft kohë, prireni të bëheni vërtet të mirë në të. Nëse i kushtoni mjaft kohë dhe bëheni vërtet të mirë. Unë do t’ju tregoj një sekret të vogël: Askush nuk heq dorë nga asgjë në të cilën është i mirë, sepse është kënaqësi të jesh i mirë. Është kënaqësi të jesh një nga më të mirët. Por që të jesh një nga më të mirët, duhet të bësh përpjekje. Mos ndiqni pasionet tuaja. Ndiqni përpjekjen tuaj.”

Në të vërtetë, qasjet e tyre janë më të ngjashme sesa duken.

Para fillimit të Apple, Jobs ishte i apasionuar pas gjërave si mistika Lindore, kaligrafia dhe vallëzimi. Jo teknologji.

Pra, kur Jobs u bashkua me Woz për të shitur tabela qarku kompjuterik, “biznesi” ishte një burim dytësor parash. Kur biznesmeni Paul Terrell i tha Jobs se do të blinte 50 kompjutera për 500 dollarë secili, Jobs thjesht po shfrytëzonte shansin për të fituar edhe më shumë para.

Jobs dalloi një mundësi, e ndoqi atë mundësi dhe në proces gjeti punën e jetës së tij (biznesin).

Kjo është gjithashtu ajo që bën Cuban. Për shembull, inteligjenca artificiale dhe mësimi makinerik. Sipas Cuban, “Trilionierët e parë në botë do të vijnë nga dikush që zotëron A.I. dhe të gjitha derivatet e tij dhe i zbaton ata në mënyra që nuk i kemi menduar kurrë”.

Kjo është arsyeja pse ai përfundoi trajnimet mësimore makinerike të Amazon. Kjo është arsyeja pse ai kaloi kohën e tij duke ndërtuar rrjetet e tij. Kjo është arsyeja pse, në një moment, ai mbajti librin “Machine Learning for Dummies” në tualetin e tij.

-“Sa më shumë që e kuptoj A.I., aq më shumë emocionohem për të”,- tha Cuban.

As Jobs dhe as Cuban nuk pritën derisa të zbulonin pasionet e tyre.

Lexo: Për herë të parë në histori, truri i njeriut lidhet me kompjuterin në mënyrë Wireless

Në vend të kësaj, ata i zhvilluan ato.

Prandaj, sipas një studimi të vitit 2014 të botuar në Academy of Management Journal, i njëjti proces shpesh funksionon për sipërmarrësit.

Ndonëse shumica e njerëzve supozojnë se pasioni sipërmarrës nxit përpjekjen sipërmarrëse, hulumtimet tregojnë se e kundërta është gjithashtu e vërtetë: Pasioni sipërmarrës rritet me përpjekjen.

Sa më shumë punë bëjnë sipërmarrësit në startup-et e tyre, aq më entuziastë bëhen për bizneset e tyre. Ndërsa fitojnë aftësi dhe shijojnë suksese të vogla edhe nëse ato “suksese” përfshijnë vetëm plotësimin e detyrave në listat e tyre të pafundme, pasioni i tyre rritet.

Kështu që po, pasioni mund të shkaktojë përpjekje. Por përpjekja nga ana tjetër mund të ndezë pasion, pasion që shpesh çon në përpjekje edhe më të mëdha. Dhe pasion më të madh. Dhe më pas përpjekje më të madhe.

Dhe një ditë zgjohesh dhe kupton se po bën atë që do. Edhe pse nuk filloi në atë mënyrë.

Nëse dëshironi të filloni një biznes por nuk e keni gjetur “pasionin” tuaj, nuk ka problem. Gjeni një mundësi. Gjeni një boshllëk. Gjeni një mënyrë për të plotësuar një nevojë ose për të zgjidhur një problem, i cili i përshtatet një aftësie që keni ose jeni të gatshëm të bëni përpjekje për t’u zhvilluar.

Pastaj punoni shumë për të shfrytëzuar atë mundësi.

Ndërsa të tjerët janë duke pritur, ju do të veproni. Duke mësuar. Duke fituar aftësi, përvojë dhe ekspertizë të nevojshme për të ndërtuar një biznes të suksesshëm.

Sepse pasioni nuk ka pse të zbulohet.

Pasioni gjithashtu mund të zhvillohet.

Shkenca, njësoj si Jobs dhe Cuban, e provon këtë.

INC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0