Luis Vuiton synon të bëjë të tijën Tiffany, përkundrejt ofertës 14.5 mld USD  


Louis Vuitton, gjiganti i mallrave luksoze LVMH, ka bërë një ofertë marramendëse prej 14.5 miliardë dollarësh, kompanisë gati dy shekullore (182 vjeçare) Tiffany, me qendër në SHBA. Kjo e fundit, njihet si markë luksoze për prodhimin e bizhuterive dhe gurëve të çmuar.

LVMH, në pronësi të njeriut më të pasur të Francës, Bernard Arnault, zotëron edhe marka të tjera si, Christian Dior, Givenchy dhe Bulgari. Xhevahirët dhe gurët e çmuar po shënojnë një rritje të shpejtë në sektorin e luksit.

Kreu i LVMH është shprehur në një deklaratë se, konfirmon që ka zhvilluar biseda paraprake për transaksionet e mundshme me Tiffany, duke shtuar se nuk ka ende asgjë konkrete për një marrëveshje të mundshme.

LVMH, e cila zotëron edhe marka si: Kenzo, Tag Heuer, Dom Pérignon, Moet & Chandon, çanta Louis Vuitton, bëri një ofertë paraprake për Tiffany në fillim të muajit tetor.

Lexo: Bernard Arnault tejkalon edhe Bill Gates. Bëhet personi i dytë më i pasur në botë

Nëse marrëveshja mund të konkretizohet, atëherë do të jetë një prej blerjeve më të mëdha të LVMH. Në vitin 2017 LVMH bleu Christian Dior.

Në tetor, LVMH ka hapur një fabrikë në Texas dhe në ceremoninë e inagurimit ishin edhe Presidenti i SHBA Donald Trump dhe vajza e tij Ivanka.

Në tregun global, produktet e LVMH po përballen me rritje të kërkesës, një tendencë që nuk shihet tek prodhimet e Tiffany. Madje shitjet e bizhuterive të çmuara kanë shënuar rënie. Edhe Tiffany mund të jetë prekur nga mosmarrëveshja tregtare mes Shteteve të Bashkuara të Amerikës dhe Kinës si dhe rritja e ndjeshme e tarifave.

LVMH ka 75 marka, 156 mijë punonjës dhe një rrjet prej gati 4600 dyqanesh. Tiffany me një rrjet prej 300 dyqanesh, ka të punësuar mbi 14 mijë persona.

CNN

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale