Monedha e Turqisë ra në një nivel rekord të ulët kundrejt dollarit të enjten përpara takimit të bankës qendrore për normat e interesit.
Ndërsa në vendet e tjera të botës bankat qendrore nxitojnë të rrisin normat e interesit për të përballuar inflacionin në rritje, banka qendrore turke e ka ulur normën e referencës në 12% pavarësisht rritjes së inflacionit mbi 80% me bazë vjetore.
Një lirë turke është e barabartë me 0.054 dollarë, duke tejkaluar rënien e arritur gjatë krizës së madhe financiare dhjetorin e kaluar.
Lexo edhe: Dollari vijon tejkalimin e Euros
Analistët e quajtën masën të paqëndrueshme dhe të nxitur vetëm nga përpjekjet e presidentit turk Recep Tayyip Erdogan për të ulur kostot e huamarrjes për të nxitur eksportet dhe investimet.
Uljet e pazakonta të normave të interesit gjatë vitit të kaluar, së bashku me rritjen e çmimeve të mallrave, e kanë çuar inflacionin në nivelin më të lartë të 24 vjetëve, duke çuar në një kosto gjithnjë e më të lartë jetese Turqinë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
