Raporti financiar i LinkedIn si një kompani e pavarur pas blerjes nga Microsoft muajin e kaluar, u publikua javën e kaluar. Mësuam se kompania gjeneroi 933 milionë dollarë të ardhura dhe fitim 1.13 dollarë për aksion. Dhe ndërsa LinkedIn numëron 450 milionë anëtarë, vetëm 25% e tyre janë përdoruesë aktivë.
Shifrat më të fundit financiare janë inkurajuese për kompaninë duke kaluar pritshmëritë sepse Wall Street kishte parashikuar 898.3 milionë dollarë të ardhura dhe 0.78 dollarë fitim për çdo aksion.
“Gjatë kësaj periudhe ne demostruam një moment të mirë për kompaninë, anëtarët dhe konsumatorët tanë falë rezultateve të kënaqshme financiare,” tha CEO i Linkedin Jeff Wiender.“Inovacioni i vazhdueshëm i produktit forcoi akoma më tej pozitat tona financiare.”
Numri i përdoruesve aktivë të rrjetit social LinkedIn u bë i ditur vetëm vitin e kaluar dhe nëse vëreni trendin në tërërsi do të shikoni se ky numër ka qëndruar pothuajse i pandryshuar që nga 2015-ta.
LinkedIn u ble nga Microsoft muajin e kaluar në një marrëveshje 26.2 miliardë dollarëshe që i bie të jetë 196 dollarë për aksion. Për shkak të marrëveshjes, e cila pret finalizim, LinkedIn nuk publikoi një axhendë financiare për 2016-tën.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
