Samsung Electronics njoftoi se po prezanton linjën e tij më të fundit të pajisjeve me efikasitet energjetik për stilin e jetës evropiane në IFA 2024. Gama e re e produkteve përfshin lavatriçen BESPOKE AI™ me A- 55% efikasitet shtesë energjie, një lavatriçe Bespoke AI Laundry Combo™ me AI që arrin një vlerësim A për ciklin e plotë dhe një lavastovilje Bespoke A-10%. Duke u mbështetur në përkushtimin e tij të gjatë për rritjen e efikasitetit të energjisë, Samsung ka përmirësuar teknologjitë e tij bazë për t’iu përgjigjur nevojave të konsumatorëve për mënyra më të mira për të kursyer energjinë në jetën e përditshme.
“Samsung ka një histori të gjatë në prezntimin e linjës së tij efikase në energji në tregjet evropiane dhe IFA është një mjedis ideal për të shfaqur këto lloje zgjidhjesh,” tha Moohyung Lee, EVP dhe Shef i Ekipit të Eksperiencës së Klientit për Biznesin e Pajisjeve Digjitale në Samsung Electronics. “Ne presim që modelet e reja të jenë zgjidhja e duhur për klientët që kërkojnë efikasitet shtesë të energjisë në shtëpi.”
Një përvojë më efikase larjeje
Arritja më e dukshme nga grupi i vlerësimit të energjisë së lartë të Samsung në IFA 2024 është lavatricja BESPOKE AI™. Modeli, i planifikuar për lançimin e vitit të ardhshëm, konsumon deri në 55% më pak energji sesa kërkesat minimale të efikasitetit të energjisë për një vlerësim të klasit A. Pas modelit A-40% që u lançua në gjysmën e parë të këtij viti, produkti i ri ka aplikuar teknologjitë e Samsung për të arritur një kursim shtesë të energjisë.
Samsung aplikon teknologji të avancuara për të arritur deri në 55% më pak konsum energjie sesa kërkesat minimale të efikasitetit të energjisë për vlerësimin e klasit A. Thelbi i këtyre teknologjive të avancuara është Bubble Shot, i cili tërheq ujin me sapun përmes pompës së qarkullimit dhe e spërkat mbi rrobat brenda kazanit. Kjo e bën larjen më efektive duke larë rrobat më lehtë dhe duke lejuar që detergjenti të depërtojë në rroba në mënyrë të barabartë. Ai kombinohet me Ecobubble™ dhe algoritme për të rritur efikasitetin shtesë të energjisë.
Zbatimi i AI Home është një ndryshim tjetër i rëndësishëm. Ky ekran LCD me prekje 7” i gjerë në pajisje shërben si një qendër kontrolli intuitive për lavanderi. Jo vetëm që përdoruesit mund të zgjedhin shpejt ciklin e larjes së rrobave, por gjithashtu mund të marrin rekomandimet e personalizuara të larjes që i përshtaten zakoneve dhe nevojave të tyre periodike. Ai lejon kontroll efektiv të përdoruesit dhe gjithashtu kujdes për lavanderi.
Zgjidhje All-in-one, me efikasitet energjie për larjen e rrobave
Në IFA, Samsung po shfaq gjithashtu Bespoke AI Laundry Combo™, i cili së shpejti do të jetë i disponueshëm në tregun evropian. Modeli kombinon një lavatriçe dhe një tharëse në një makinë të vetme duke i çliruar përdoruesit nga telashet e transferimit të ngarkesës në tharëse pas larjes. Kombinimi është i dallueshëm dhe ka përmirësim të ndjeshëm në efikasitetin e energjisë, duke arritur një vlerësim A në të gjithë ciklin e larjes dhe tharje, me një A-20% për larje. Ky është niveli më i lartë në linja e makinerive të kombinuara të Samsung në Evropë.
Samsung ka punuar shumë për të përmirësuar veçanërisht efikasitetin e proçesit të tharjes. Teknologjia Heatpump Drying i than rrobat shpejt, butësisht dhe me efikasitet në temperatura të ulëta. Për më tepër, struktura e kanalit të projektuar posaçërisht përmirëson efikasitetin e qarkullimit të brendshëm të ajrit, duke lejuar ripërdorimin dhe transferimin efikas të energjisë termike. Ndërkohë, për të arritur një vlerësim të lartë të energjisë në ciklin vetëm të larjes, është zbatuar teknologjia Bubble Shot. Kjo veçori bën të mundur që rrobat të lahen mirë duke spërkatur ujë me sapun nga lart duke përdorur pompën e qarkullimit. Si rezultat, cikli i plotë i larjes së pajisjes së kombinuar tejkalon kërkesat minimale të efikasitetit të energjisë për pragun e klasës A deri në 20%, me ciklin e larjes dhe tharjes që pozicionohen në mënyrë të merituar në klasin A.
Kursime shtesë të energjisë përmes lidhjes SmartThings
Me këto përparime në harduer, linja e re efiçente e energjisë e Samsung gjithashtu mbështet SmartThings AI Energy Mode. Pas lidhjes së pajisjeve me SmartThings, përdoruesit mund të kontrollojnë konsumin ditor, javor dhe mujor të energjisë. Dhe kur fatura e parashikuar mujore e energjisë elektrike tejkalon shumën e synuar, ata mund të aktivizojnë modalitetin e energjisë AI përmes aplikacionit SmartThings për të kursyer në mënyrë proaktive energji. Me ciklet që funksionojnë me modalitetin e energjisë AI, lavatriçja BESPOKE AI™ kursen përdorimin e energjisë deri në 70%, Bespoke AI Laundry Combo™ kursen energji deri në 60% në larje dhe deri në 30% në tharje. Dhe lavastovilja përdor deri në 21% më pak energji me programin Pots & Pans.
Vizitorët në IFA 2024, që do të mbahet në Berlin nga data 6 deri më 10 shtator – do të jenë në gjendje të shohin pajisjet e reja me efikasitet të energjisë të Samsung në stendën e Samsung. Lavastovilja Bespoke është aktualisht e disponueshme në disa vende evropiane dhe Bespoke AI Laundry Combo™ do të dalë në treg në vende të caktuara evropiane në tremujorin e katërt të këtij viti. Ndërsa lavatriçja BESPOKE AI™ do të dalë në vende të ndryshme evropiane në fillim të vitit të ardhshëm.
Rreth Samsung Electronics
Samsung frymëzon botën dhe formëson të ardhmen me ide dhe teknologji transformuese. Kompania po ripërcakton botën e televizorëve, telefonave inteligjentë, pajisjeve të veshura, tabletave, pajisjeve shtëpiake, sistemeve të rrjetit dhe kujtesës, sistemit LSI, fonderit dhe zgjidhjeve LED, dhe po ofron një përvojë të lidhur pa probleme përmes ekosistemit të saj SmartThings dhe bashkëpunimit të hapur me partnerët. Për të rejat më të fundit, ju lutemi vizitoni “Samsung Newsroom” në https://www.samsung.com/al/.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
