Tashmë, vendi i jep punonjësve të saj 30 ditë pushim në një vit dhe 16 javë pushim të plotë të paguar të familjes për gratë që lindin fëmijë. Kjo nismë e fundit është duke e bërë Francën edhe më shumë popullore.
Sipas BBC News, ligji për “të drejtën për shkëputje” do të thotë që një kompani me 50 të punësuar apo më shumë nuk mund t’i dërgojë email një punonjësi pas orarit të punës.
Amendamenti është kryesisht rezultat i studimeve që tregojnë se njerëzit e kanë të vështirë të distancojnë veten nga vendi i punës. Ligji kërkon të sigurojë që qytetarët francezë do të jenë në gjendje të gëzojnë plotësisht kohën e tyre pushim.
Benoit Hamon i Asamblesë Kombëtare të Francës tha:
“Të gjitha studimet tregojnë se stresi është konstant në ditët e sotme. Punonjësit largohen fizikisht nga zyra, por ata nuk e lënë punën e tyre. Ata mbeten të bashkangjitur me tekste, mesazhe, emaile – duke kolonizuar jetën e tyre deri në pikën ku ai ose ajo përfundimisht shpërthen”.
Përcaktimet e ligjit të ri janë se kompanitë duhet të negociojnë politika që kufizojnë punët e kompanisë, në jetën private të punonjësve të tyre. Nuk ka dënime për kompanitë që shkelin ndryshimin, por bizneset do të krijojnë “dokumentet e sjelljes së mirë”, që saktëson afatet në të cilat punonjësit janë plotësisht të lirë nga të qenit të kontaktuar nga vendi i punës.
Kur ligji u propozua për herë të parë, ajo mori shumë kritika dhe tallje. Sipas Linh Le, një partner në kompaninë e konsulentëve dhe të menaxhimit “Elia” në Paris, ndryshimi është i nevojshëm, veçanërisht për arsye se ajo mund të sjell rritje të mirëqenies së punonjëve.
Disa janë të shqetësuar se ndryshimi – i cili ka kaluar si pjesë e një ligji të diskutueshëm të punës – do të dobësojë sindikatat dhe nëse do të përmirësojë pasigurinë e punonjësve në vendet e punës. Vlen të përmendet, megjithatë, se ndryshimi ishte një pjesë e ligjit që shihet pozitivisht nga qytetarët francezë.
Burimi: trueactivist.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
