Lidhjet familjare në biznes dhe sfidat e transformimit të kompanive shqiptare

Lidhjet familjare në biznes dhe sfidat e transformimit të kompanive shqiptare

Lidhjet familjare

30 vjet nga ndryshimi i modelit ekonomik ne vend, sipërmarrja Shqiptare vazhdon te dominiohet nga kompani, që qeverisen nëpërmjet lidhjeve të ngushta familjare. Administrimi vazhdon të mbetet në duart e pak personave, anëtarë të familjes dhe nuk delegohet tek stafi menaxherial.

Realitetet e reja kërkojnë që sipërmarrjet të nisin transformimin në biznese të menaxhuara, ku detyrat delegohen në të gjitha shkallët e hierarkisë.

Gjatë periudhës së pandemisë ishin të shumta rastet kur këto biznese hasën vështirësi, pasi proceseve të rëndësishme si marketingu, shitjet dhe prodhimi, u mungonin profesionistët dhe menaxherët, të cilët do të adoptonin shpejt avantazhet që ofron sot teknologjia.

Vështirësi më të mëdha hasën ato sipërmarrje familjare, lokale të angazhuara në sektorin prodhues, të cilat për shkak të izolimit të ekonomisë nuk kanë mundur të tregtojnë prodhimet e tyre. Me rinisjen e aktivitetit prodhues ështe e rëndësishme që këto sipërmarrje të fillojnë të mendojnë për patnerë të rinj dhe për zgjerimin e hartës së eksporteve me fokus tregjet e huaja.

Lexoni: 6 gjëra nga të cilat duhet të heqësh dorë për të qenë i/e lumtur

Për realizmin e këtyre objektivave nevojiten njerëz të aftë, profesionistë dhe të perditësuar me zhvillimet më të fundit.

Cilat është pikënisja e këtij transformimi?

Që transformimi të ndodhë nevojitet që fillimisht të ridimensionohet kupola drejtuese e kompanive duke u shkëputur njëherë e mirë nga lidhjet familjare dhe duke hapur kompaninë drejt prurjeve cilësore në administrim.

Ndryshimi nis që nga kërkesat dhe kriteret e stafeve mbështetëse në rekrutimin e personave të interesuar për punë, të cilët duhet t’i përshtaten nevojave të reja të sipëmarrjes dhe të nisin të mendojnë ndryshe nga e kaluara 30 vjeçare.

Sipas projeksioneve të fundit, 20% e 60.000 të larguarve nga puna gjatë periudhës së pandemisë do të merren në punë automatikisht gjatë 2 muajve në vazhdim, pasi shumica e bizneseve janë rihapur dhe kërkesat për forcë punëtore kanë filluar. Kompanitë po përpiqen të përshtaten me situatën dhe po krijojnë hapësira të reja për punësim.

Të papunët duhet të inkurajohen të aplikojnë në kompani punësimi dhe të jenë prezent me cv-të e tyre pasi sezoni veror do të ketë nevojë për staf, kryesisht në sektorin e shërbimeve.

Aldi Qose (Ekspert i çështjeve të punësimit) shprehet se kompanitë kanë nisur të shpallin vendet e lira të punës dhe në të njëjtën kohë kërkesat për punë nga individët pas situatës së krijuar kanë qenë në rritje. Problemi nuk qëndron tek kërkesa e kompanive për staf, por tek hezitimi i kandidatëve për të aplikuar.

Qose shprehet se në shumë raste cv-të nuk janë të pasura me eksperienca dhe janë shumë të varfra në përgatitje. Ekspozimi i karrierës është një element parësor në cv, por nevojitet gjithashtu që kandidatët të reklamojnë arritjet dhe njohuritë e tyre, si dhe duhet të nisin të eksplorojnë pozicione pune të njëjta, por në industri të ndryshme.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0