Lamborghini do të krijojë makinën e parë hibride, Sian


Përpara debutimit të tij zyrtar në Frankfurt Auto, Lamborghini ka zbuluar Sian, makinën e parë hibride. Sian do të thotë “ndezje e rrufesë”, një emër i përshtatshëm për një makinë, që është gjithashtu krijimi më i fuqishëm i kompanisë. Sian, do të jetë Lamborghini më i shpejtë dhe më i fuqishëm i krijuar ndonjëherë.

Numri i prodhimit të tyre do të jetë i kufizuar, vetëm 63 të tilla. Numri, specifik 63, vjen në përkujtim të vitit të themelimit të Lamborghini, më 1963. Motori i saj do të jetë V12 6.5 litërsh i përdorur në Lamborghini Aventador SVJ.

Lexo:  17 kanale në YouTube që adhuruesit e makinave duhet t’i konsiderojnë

Lamborghini “hibrid i butë” do të vazhdojë të mbështetet kryesisht në motorin V12 të tij, me fuqi 774 kuaj. Kombinuar me një motorr elektrik 34 kuajsh, makina do të jetë në gjendje të prodhojë një total prej 808 kuaj fuqi. Sistemi hibrid i makinës shton me 10% shpejtësinë e tij, sipas Lamborghini.

“Lamborghini Sian përfaqëson hapin e parë në rrugën e Lamborghini për elektrifikimin, dhe përshpejton motorin tonë të gjeneratës tjetër V12,” tha Stefano Domenicali, kryetari Lamborghini dhe kryeshefi ekzekutiv.

Kompania pretendon se Sian do të përshkojë nga 60 km në orë në më pak se tre sekonda dhe do të ketë një shpejtësi prej më shumë se 217 km në orë. Në aspektin e dizajnit, makina huazohet nga koncepti i kompanisë Terzo Millennio, i cili gjithashtu përmbante linja agresive dhe drita LED futuriste. Dizajnerët e Lamborghini thonë se janë frymëzuar nga supermakinat e viteve 80.

Lexo: Kompania kineze Huansu Auto “klonon” një Lamborghini Urus

63 makinat, prodhimi i të cilave do të fillojë më 12 shtator të këtij viti, janë të gjitha të porositura dhe pritet që çmimi i tyre të kapë shifra marramendëse. Një prej tyre do të kushtojë 3.6 milionë dollarë.

CNBC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale