Nëse imitimi është forma më e sinqertë e lajkave, atëherë duke se ka shumë dashuri për Lamborghini Urus në Kinë!
Ky është Huansu Auto C60 Hyosow, “kloni” kinez i Urus. Një corssover i mesëm i cili ka kopjuar shëmtuar modelin e ri të Lamborghini.
Ka disa pika strategjike në dizajnin e saj për t’a mbajtur kompaninë larg çështjeve gjyqsore. Një parakolp ndryshe, një çati më e ngritur në pjesën e pasme, dhe më pak forma në trup. Baza e rrotave të saj (wheelbase) është gjithashtu 17cm më e shkurtër. Kinezët i kanë rënë rrotull ligjit, pa e shkelur atë. Influenca dhe dëshira për të kopjutar Lamborghini Urus, është mëse e dukshme.
Por, nuk ka dyshim se kopja ngel kopje. Dhe origjinaliteti, vështirë të vidhet lehtë. Kjo edhe për shkak se ashkush nuk do të blejë për një çmim të majmë një SUV kinez të kopjuar.
Në vend të motorrit 4.0-litër twin-turbo V-8 me 650 kuaj fuqi, C60 Hyosow ka një motorr 1.5 litër dhe një 2.0 litër me 4 pistona që prodhojnë 150 dhe 200 kuaj fuqi respektivisht.
Meqënëse asgjë nuk është prezantuar 100%, nuk ka shumë të dhëna të tjera. Por, pa dyshim që në vend të një sistemi 4×4 si tek Urus, kopja kineze do të jetë me rrotat e para aktive. Mediat kineze gjithashtu raportojnë se do të ketë konfigurime me 5 dhe 7 persona. Kjo e bën Huansu Auto C60 Hyosow një makinë më praktike se sa Lamborghini Urus. Për më tepër me një çmim që varion nga $15.000 deri në $23.000.
Ndër vite, nuk ka dyshim që kompanitë kanë vjedhur detaje nga njëratjetra. Kurse industria kineze, e ka çuar këtë në një nivel tjetër.
Ashtu siç ka thënë i madhi Pablo Picasso “Good artists Copy, Great artists Steal“.
Burimi: The Drive
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
