21-vjeçarja tani është miliarderja më e re në botë që pasurinë e ka ndërtuar vetë, sipas Forbes, duke lënë pas edhe Mark Zuckerberg, i cili është bërë miliarderi më i ri në botë në moshën 23-vjeçare.
Lexoni: Kylie Jenner, sipërmarrësja më e re që po kalon dhe Mark Zuckerberg nga pasuria
Forbes vlerësoi se kompania e Jenner, Kylie Cosmetics, është me vlerë 900 milionë dollarë. Kjo plus paratë që ajo ka bërë nga promovimi i produkteve në Instagram i sjell asaj statusin e miliarderes.
Anëtarja tjetër më e pasur e familjes Kardashian-Jenners është Kim Kardashian West, e cila ka vlerë rreth 350 milionë dollarë.
Shumë e kanë kritikuar Forbes që thotë se Jenner e ka bërë pasurinë vetë, duke thënë se ajo ka lindur në një familje të pasur dhe të privilegjuar. Në shkurt, Jenner iu përgjigj reagimit të ashpër në një intervistë me revistën Paper, duke thënë, “fakti që jam bërë vetë e pasur është i vërtetë” duke shtuar se prindërit e saj “ia prenë të ardhurat në moshën 15 vjeçare”.
Lexoni: Njerëzit janë duke dhuruar para për Kylie Jenner që ajo të bëhet miliarderja më e re në botë
Jenner, e cila bëri 21 vjeç në Gusht, ka ndërtuar një perandori kozmetike, luajti së bashku me familjen e saj në “Keeping Up with the Kardashians“, si dhe në shfaqjen e saj “Jeta e Kylie”, filloi një linjë veshjesh me motrën e saj dhe ka promovuar miliona produkte në Instagram.
burimi: BusinessInsider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
