Ky shtet amerikan ka vendosur që bizneset të paguajnë taksat me bitcoin » Business Magazine Albania – Media Dixhitale dedikuar Sipërmarrjes
Përditësuar së fundmi: 27/11/2018

Ky shtet amerikan ka vendosur që bizneset të paguajnë taksat me bitcoin

Share
nga Anerola Torollari
Nën 27, 2018
Studied at Faculty of Science, Content Editor Biznesi at Business Magazine
lexo me teper >

Edhe pse vlera e Bitcoin ka pësuar një rënie masive dhe të vazhdueshme – kriptomonedha ka pësuar një humbje prej 40% të vlerës vetëm gjatë muajit të fundit – një lajm i mirë ka dalë për besimtarët e saj. Në mënyrë të veçantë, shteti i Ohajos njoftoi se do t’u lejojë bizneseve të përdorin bitcoin për pagesat e taksave.

Kjo do të jetë e kufizuar vetëm për qëllime biznesi megjithatë do të nxisë më tej biznese lokale të pranojnë Bitcoin për të paguar taksat e tyre.

Lexoni: Përgjigjet më të zakonshme në lidhje me pyetjet që bëhen rreth Bitcoin

“Në asnjë moment, zyra e Thesarit nuk do të mbajë kriptomonedhat,” shpjegon ohiocrypto.com. “Pagesat e bëra në OhioCrypto.com, përmes partnerit tonë të tretë të procesimit të pagesave të kriptomonedhave BitPay, konvertohen menjëherë në dollarë para se të depozitohen në një llogari shtetërore.”

Sipas Wall Street Journal, bizneset mund të fillojnë të regjistrohen këtë javë në ohiocrypto.com për mundësinë për të paguar taksat e tyre në bitcoin. Dhe po, mënyra e vetme e pagesës është me bitcoin.

Ohajo është bërë shteti i parë në SHBA dhe një nga qeveritë e para në botë, i cili pranon që taksat të paguhen me anë të kriptomonedhave.

Lexoni: Kosova, vendi më i mirë për fillimin e një biznesi në 2019

Por pse tani? Bitcoin ka qenë vërdallë për më shumë se 10 vjet dhe luhatjet e shpejta të çmimeve duket se e bëjnë atë një mundësi jo të përshtatshme për pagimin e taksave. Por sipas deklaratave zyrtare për WSJ, kjo ka të bëjë me “mbjelljen e një flamuri” në hapësirën e kriptomonedhave në Ohajo.

Dhe një flamur i vendosur në një anije që po fundoset ende është një flamur, edhe nëse shërben vetëm për të tërhequr peshkaqenë.

burimi: Mashable