Ky shtet amerikan ka vendosur që bizneset të paguajnë taksat me bitcoin


Edhe pse vlera e Bitcoin ka pësuar një rënie masive dhe të vazhdueshme – kriptomonedha ka pësuar një humbje prej 40% të vlerës vetëm gjatë muajit të fundit – një lajm i mirë ka dalë për besimtarët e saj. Në mënyrë të veçantë, shteti i Ohajos njoftoi se do t’u lejojë bizneseve të përdorin bitcoin për pagesat e taksave.

Kjo do të jetë e kufizuar vetëm për qëllime biznesi megjithatë do të nxisë më tej biznese lokale të pranojnë Bitcoin për të paguar taksat e tyre.

Lexoni: Përgjigjet më të zakonshme në lidhje me pyetjet që bëhen rreth Bitcoin

“Në asnjë moment, zyra e Thesarit nuk do të mbajë kriptomonedhat,” shpjegon ohiocrypto.com. “Pagesat e bëra në OhioCrypto.com, përmes partnerit tonë të tretë të procesimit të pagesave të kriptomonedhave BitPay, konvertohen menjëherë në dollarë para se të depozitohen në një llogari shtetërore.”

Sipas Wall Street Journal, bizneset mund të fillojnë të regjistrohen këtë javë në ohiocrypto.com për mundësinë për të paguar taksat e tyre në bitcoin. Dhe po, mënyra e vetme e pagesës është me bitcoin.

Ohajo është bërë shteti i parë në SHBA dhe një nga qeveritë e para në botë, i cili pranon që taksat të paguhen me anë të kriptomonedhave.

Lexoni: Kosova, vendi më i mirë për fillimin e një biznesi në 2019

Por pse tani? Bitcoin ka qenë vërdallë për më shumë se 10 vjet dhe luhatjet e shpejta të çmimeve duket se e bëjnë atë një mundësi jo të përshtatshme për pagimin e taksave. Por sipas deklaratave zyrtare për WSJ, kjo ka të bëjë me “mbjelljen e një flamuri” në hapësirën e kriptomonedhave në Ohajo.

Dhe një flamur i vendosur në një anije që po fundoset ende është një flamur, edhe nëse shërben vetëm për të tërhequr peshkaqenë.

burimi: Mashable

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale