Ky ritual i Amazon mund të ndihmojë dhe kompaninë tuaj

Ky ritual i Amazon mund të ndihmojë dhe kompaninë tuaj


CEO i Amazon Jeff Bezos nisi një ritual që shumë pak drejtues biznesesh e bëjnë me skuadrat e tyre. Është një ritual që lidhet me inovacionin e Amazon.

Që në fillimet e Amazon, Bezos bënte një njoftim për shtyp paraprak, para lançimit të një produkti apo iniciative të re. Është një teknikë që ju ndihmon ju dhe ekipin tuaj të krijoni inovacione që kanë sukses.

“Shkrimi i ideve dhe propozimeve në përshkrim sjell ide më të mira, më të qarta dhe biseda më të mira lidhur me realizimin e këtyre ideve”, thotë John Rossman, ish ekzekutiv në Amazon. Ai shkroi një njoftim për shtyp të plotë gjashtë muaj para lançimit të biznesit të ri. Ky dokument nuk ishte për publikun. U shkrua për të motivuar, angazhuar dhe fuqizuar ekipin e tij.

Lexoni: Fraza me 3 fjalë që mund t’ju ndihmojë të merrni vendime më shpejt, sipas Jeff Bezos

  1. Njoftimi duhet të jetë për të ardhmen

Një “njoftim për shtyp paraprak” duhet shkruar sikur produkti të jetë lançuar dhe më e rëndësishmja sikur është një sukses për tregun ekzistues.

Para se të shkruani njoftimin tuaj për shtyp, pyesni veten: “Sa afatgjatë do të jetë dhe si do të jetë suksesi kur ne të arrijmë atje?”

  1. Fillo me konsumatorin

Njoftimi për shtyp duhet të shpjegojë pse produkti përmirëson eksperiencën e konsumatorit, çfarë bën më mirë se produktet në të njëjtën kategori dhe si e komenton konsumatori.

Lexoni: Dëshiron të punosh me Jeff Bezos? Ja tre pyetjet që ai u bën punonjësve të rinj

Amazon është i fiksuar pas konsumatorit. Kjo gjë kërkon që gjithmonë primare të kesh eksperiencën e konsumatorit. Një njoftim për shtyp paraprak për të ardhmen, jep drejtuesit dhe skuadrës një përshkrim specifik se si produkti apo ideja do të funksionojë kur të jetë në duart e konsumatorit.

  1. Artikulo qartë objektivat

Sipas Rossman, një njoftim paraprak duhet të përmbajë “rezultate të qarta, të matshme, rezultate që ke arritur më parë, përshirë ato financiare, operative dhe rezultatet të tregut ku punon”.

Të njëjtën gjë bënte dhe John Kennedy në deklaratat e tij për shtyp. Ai vendoste objektiva të qarta dhe i lexonte sikur misioni të ishte realizuar me sukses. “Ky komb duhet të arrijë qëllimin e uljes së njeriut të parë në hënë dhe kthimin e tij shëndosh e mirë në tokë përpara se të përfundojë kjo dekadë”.

Në një tjetër fjalim, Kennedy u tregua dhe më specifik. Ai tha: “Ne duhet të dërgojmë në Hënë, 240,000 milje larg, një anije kozmike më shumë se 91 metra e lartë, e bërë me përzierje metalesh…”

Po ti kur do të shkosh në Hënë? Bëj një njoftim për shtyp specifik dhe të kuptueshëm.

Lexoni: 5 sekretet e suksesit sipas Jeff Bezos

  1. Përshkruaj pengesat që duhet të kalosh

Duhen diskutuar problemet që duhen adresuar për të arritur sukses. Kjo gjë arrihet me njoftimin për shtyp.

Nënvizo problemet me të cilat duhet të merret skuadra jote, por mos u shqetëso nëse problemi nuk është zgjidhur ende. Ka kohë. E rëndësishme është t’i japësh skudrës një sens arritjeje dhe një përshkrim të qartë se si do të duket bota e tyre pasi problem të jetë zgjidhur.

Bezos kërkon një njoftim paraprak për çdo ekip përpara se të lançojnë një produkt apo ide të re, apo vendim për të hyrë në një treg të ri. Pse? Sepse inovacioni është një punë e vështirë. Nuk është fjala vetëm për krijimin e një produkti të ri që vetëm përmirëson një kategori të caktuar. Inovacioni i vërtetë, është të prezantosh diçka tërësisht të re dhe ndryshe.

/INC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0